• bksamajam@gmail.com

  • Call Us:(+973) 172 518 78

  • Time:Mon-Sun: 10.00-20.00

News & Events

We're here to bring you the latest updates

ദേവ്ജി-ബികെഎസ്ജിസിസി കലോത്സവം 2024 രജിസ്ട്രേഷൻ 18 വരെ നീട്ടി.

മനാമ: ബഹ്റൈൻ കേരളീയ സമാജത്തിൻ്റെ ആഭിമുഖ്യത്തിൽ മാർച്ച് - ഏപ്രിൽ മാസങ്ങളിലായി നടത്തുന്ന ദേവ്ജി-ബികെഎസ് ജിസിസി കലോത്സവത്തിൻ്റെ രജിസ്ട്രേഷൻ  തീയതി മാർച്ച് 18 വരെ നീട്ടിയതായി സംഘാടകർ അറിയിച്ചു.
https://www.bksbahrain.com/gcckalotsavam2024 എന്ന ലിങ്ക് ഉപയോഗിച്ച്
പൂർണ്ണമായും ഓൺലൈനിലാണ് രജിസ്ട്രേഷൻ നടത്തേണ്ടത്.  രജിസ്റ്റർ ചെയ്യുമ്പോൾ ലഭിക്കുന്ന യൂസർ നെയിമും പാസ് വേഡും ഉപയോഗിച്ച് ലോഗിൻ ചെയ്യാൻ കഴിയുന്ന തരത്തിലാണ് രജിസ്ട്രേഷൻ ക്രമീകരണങ്ങൾ നടത്തിയിട്ടുള്ളത്.

ഗ്രൂപ്പ് മത്സരങ്ങളിൽ ,ബഹ്റൈനിൽ താമസിക്കുന്ന ഏതു രാജ്യത്തു നിന്നുള്ള കുട്ടികൾക്കും പങ്കെടുക്കാവുന്നതാണ് അതേസമയം വ്യക്തിഗത ഇനങ്ങൾ ഇന്ത്യൻ കുട്ടികൾക്ക് മാത്രമായി പരിമിതപ്പെടുത്തിയിരിക്കുന്നു.
കലോത്സവത്തെക്കുറിച്ചുള്ള കൂടുതൽ വിവരങ്ങൾ സമാജം വെബ്സൈറ്റിൽ ലഭ്യമാണ്.
വിശദ വിവരങ്ങൾക്ക് 39777801, 37789495, 38360489, 39898050 എന്നീ നമ്പറുകളിൽ ബന്ധപ്പെടാവുന്നതും സമാജത്തിൽ സ്ഥിതി ചെയ്യുന്നബാലകലോത്സവം ഓഫീസ് സന്ദർശിക്കാവുന്നതുമാണ് പ്രവൃത്തിദിവസങ്ങളിൽ വൈകുന്നേരം 7:30  മുതൽ 9:30 വരെയും വെള്ളിയാഴ്ചകളിൽ രാവിലെ10:00 മുതൽ വൈകുന്നേരം 5:00  വരെയും ഓഫീസ്  പ്രവർത്തിക്കുന്നതാണ്.

 

 

ബഹ്‌റൈൻ കേരളീയ സമാജം ഫിലിം ക്ലബ്ബിന്റെ ആഭിമുഖ്യത്തിൽ സംഘടിപ്പിച്ച ഹൃസ്വ ചലച്ചിത്ര മേളയിൽ മികച്ച ചിത്രമുൾപ്പടെ നാല് അവാർഡുകൾ രഞ്ജു റാൻഷ്  സംവിധാനം ചെയ്ത റിപ്ലിക്ക എന്ന ചിത്രം കരസ്ഥമാക്കി. പ്രശസ്ത സംവിധായകൻ ജി എസ് വിജയൻ, സംവിധായകനും ഛായാഗ്രാഹകനുമായ വിപിൻ മോഹൻ, കലാസംവിധായകനും, കഴിഞ്ഞ വർഷത്തെ സംസ്ഥാന ചലച്ചിത്ര അവാർഡ് ജൂറി മെമ്പറുമായ റോയി പി തോമസ് എന്നിവർ വിധി കർത്താക്കളായ മേളയിൽ പ്രവാസി കലാകാരൻമാർ സംവിധാനം നിർവ്വഹിച്ച ഇരുപത്തിരണ്ടോളം ചിത്രങ്ങളാണ് മാറ്റുരച്ചത്. മികച്ച ചിത്രം (റിപ്ലിക്ക),മികച്ച സംവിധാനം രഞ്ജു റാൻഷ് (റിപ്ലിക്ക), സ്ക്രിപ്റ്റ് കൃഷ്ണകുമാർ പയ്യന്നൂർ (ശ്രീധരൻ സാറിന് ആദരാഞ്ജലികൾ), ഛായഗ്രഹണം ഉണ്ണികൃഷ്ണൻ സി ബി (ഓർമ്മ ), ചിത്രസംയോജനം ഹാരീസ് ഇക്കാച്ചു (റിപ്ലിക്ക), നടൻ രഞ്ജു റാൻഷ് (റിപ്ലിക്ക), നടി സ്റ്റീവ മെർലിൻ ഐസക്ക് (ഓർമ്മ), എന്നിവർ അവാർഡുകൾ കരസ്ഥമാക്കി.
തത്സമയ തിരഞ്ഞെടുപ്പിലൂടെ  സൗരവ് രാകേഷ് സംവിധാനം ചെയ്ത ആലിസ്  എന്ന ചിത്രത്തിന് ഓഡിയൻസ് ചോയ്‌സ് അവാർഡും ലഭിച്ചു. കേരളീയ സമാജം ഡയമണ്ട് ജൂബിലി ഹാളിൽ വെച്ചു നടന്ന പ്രൗഡഗംഭീരമായ പുരസ്ക്കാര നിശയിൽ സമാജം പ്രസിഡന്റ് പി വി രാധാകൃഷ്ണപിള്ള വിജയികളെ പ്രഖ്യാപിച്ചു. പ്രശസ്ത സംവിധായകൻ ശ്രീ സിബിമലയിൽ വിജയികൾക്കുള്ള സമ്മാനദാനം നിർവഹിച്ചു,പുരസ്കാരത്തോടൊപ്പം എപ്സൺ ഐ പോയിന്റ് സ്പോൺസർ ചെയ്ത ആയിരത്തി അഞ്ഞൂറ് ഡോളർ വിലവരുന്ന  സമ്മാനങ്ങളും വിജയികൾക്കായി നൽകി. പ്രസ്തുത ചടങ്ങിൽ വച്ച്  മലയാള സിനിമയ്ക്ക് നൽകിയ സമഗ്ര സംഭാവനകളെ മാനിച്ച് ബി കെ എസ് ഫിലിം ക്ലബ്ബ് ഏർപ്പെടുത്തിയ  പ്രഥമ  ലൈഫ് ടൈം അച്ചീവ്മെന്റ് അവാർഡ് ശ്രീ സിബി മലയിന് നൽകി ആദരിച്ചു. ടോപ്പ് സിംഗർ ഫെയിം മാസ്റ്റർ അർജുൻദേവിന്റെ ഗാനത്തോടെ ആരംഭിച്ച ഔദ്യോഗിക പരിപാടിയിൽ സിബി മലയിൽ ചിത്രങ്ങളിലെ ഗാനങ്ങൾ കോർത്തിണക്കി അവതരിപ്പിച്ച നൃത്തവും  മികവുറ്റതായി. സമാജം ജനറൽ സെക്രട്ടറി വർഗീസ് കാരക്കൽ സ്വാഗതവും മെമ്പർഷിപ്പ് സെക്രട്ടറി ദിലീഷ് കുമാർ നന്ദിയും രേഖപ്പെടുത്തി. ഫിലിം ക്ലബ്ബ് കൺവീനർ അരുൺ ആർ പിള്ള,  ഫെസ്റ്റിവൽ കോർഡിനേറ്റർ അജയ് പി നായർ മറ്റു കമ്മറ്റി അംഗങ്ങൾ ചടങ്ങിന് നേതൃത്വം നൽകി. ബിജു എം സതീഷ്, വിജിന സന്തോഷ്‌ എന്നിവർ അവതാരകരായി.


മനാമ: ബഹ്റൈൻ കേരളീയ സമാജത്തിൻ്റെ ആഭിമുഖ്യത്തിൽ മാർച്ച് - ഏപ്രിൽ മാസങ്ങളിലായി നടത്തുന്ന ദേവ്ജി-ബികെഎസ് ജിസിസി കലോത്സവത്തിൻ്റെ രജിസ്ട്രേഷൻ ആരംഭിച്ചു.
https://www.bksbahrain.com/gcckalotsavam2024 എന്ന ലിങ്ക് ഉപയോഗിച്ച്
പൂർണ്ണമായും ഓൺലൈനിലാണ് രജിസ്ട്രേഷൻ നടത്തേണ്ടത്. ഈ മാസം 15 വരെ രജിസ്റ്റർ ചെയ്യാം. രജിസ്റ്റർ ചെയ്യുമ്പോൾ ലഭിക്കുന്ന യൂസർ നെയിമും പാസ് വേഡും ഉപയോഗിച്ച് ലോഗിൻ ചെയ്യാൻ കഴിയുന്ന തരത്തിലാണ് രജിസ്ട്രേഷൻ ക്രമീകരണങ്ങൾ നടത്തിയിട്ടുള്ളതെന്ന് സംഘാടകർ അറിയിച്ചു.

മാർച്ച് അവസാനം മുതൽ വ്യക്തിഗത സ്റ്റേജ് ഇതര മത്സരങ്ങൾ ആരംഭിക്കും.
ശാസ്ത്രീയ നൃത്ത മത്സരങ്ങൾ
 ഈദ് അവധി ദിവസങ്ങളിലുമായിരിക്കും നടക്കുക. ഗ്രൂപ്പ് മത്സരങ്ങളിൽ , ജിസിസി രാജ്യത്തു താമസിക്കുന്ന ഏതു രാജ്യത്തു നിന്നുള്ള കുട്ടികൾക്കും പങ്കെടുക്കാവുന്നതാണ് അതേസമയം വ്യക്തിഗത ഇനങ്ങൾ ജിസിസി രാജ്യത്തു താമസിക്കുന്ന ഇന്ത്യൻ കുട്ടികൾക്ക് മാത്രമായി പരിമിതപ്പെടുത്തിയിരിക്കുന്നു.

കലോത്സവത്തെക്കുറിച്ചുള്ള സമഗ്രമായ വിവരങ്ങൾ സമാജം വെബ്സൈറ്റിൽ ലഭ്യമാണ്.
കൂടുതൽ വിവരങ്ങൾക്ക് 39777801, 37789495, 38360489, 39898050 എന്നീ നമ്പറുകളിലോ വാട്ട്‌സ്ആപ്പ് വഴിയോ ബന്ധപ്പെടാവുന്നതും സമാജത്തിൽ സ്ഥിതി ചെയ്യുന്നബാലകലോത്സവം ഓഫീസ് സന്ദർശിക്കാവുന്നതുമാണ് പ്രവൃത്തിദിവസങ്ങളിൽ വൈകുന്നേരം 7:30  മുതൽ 9:30 വരെയും വെള്ളിയാഴ്ചകളിൽ രാവിലെ10:00 മുതൽ വൈകുന്നേരം 5:00  വരെയും ഓഫീസ്  പ്രവർത്തിക്കുന്നതാണ്.

മലയാണ്മ 2024- സുഗതാഞ്ജലി പുരസ്കാരം ബഹ്‌റൈൻ കേരളീയ സമാജത്തിന് സമ്മാനിച്ചു

മാതൃഭാഷയും സംസ്കാരവും പ്രചരിപ്പിക്കുന്നതിനായി നടത്തുന്ന മികച്ച  പ്രവർത്തനങ്ങങ്ങളെ മുൻനിർത്തി,  മലയാളി   പ്രവാസി  സംഘടനകൾക്കായി കേരള സർക്കാർ-
മലയാളം മിഷൻ, ആഗോളതലത്തിൽ ഏർപ്പെടുത്തിയ  "സുഗതാഞ്ജലി പുരസ്കാരം ബഹ്റൈൻ കേരളീയ സമാജത്തിന് സമ്മാനിച്ചു .

തിരുവനന്തുപുരം വൈലോപ്പിള്ളി സംസ്കൃതി ഭവനിൽ വെച്ച് നടന്ന ചടങ്ങിൽ ബഹുമാനപ്പെട്ട കേരള മുഖ്യമന്ത്രി ശ്രീ. പിണറായി വിജയനിൽ നിന്ന് ബഹ്‌റൈൻ കേരളീയ സമാജം പ്രസിഡന്റ് ശ്രീ.  പി.വി.രാധാകൃഷ്‍ണപിള്ള പുരസ്‌കാരം ഏറ്റു വാങ്ങി.

 പ്രശസ്ത കവിയും ഐ.എം.ജി. ഡയറക്ടറുമായ ശ്രീ. കെ. ജയകുമാര്‍, നിരൂപകനും പത്രപ്രവര്‍ത്തകനുമായ ഡോ. പി.കെ. രാജശേഖരന്‍, മലയാളം മിഷന്‍ ഡയറക്ടര്‍ ശ്രീ. മുരുകന്‍ കാട്ടാക്കട എന്നിവരടങ്ങിയ ജൂറിയാണ് പുരസ്‌കാര നിര്‍ണ്ണയം നടത്തിയത്.
ഒരു ലക്ഷം രൂപയും പ്രശസ്തിപത്രവും ഫലകവുമടങ്ങുന്നതാണ് പുരസ്കാരം.

1947 ൽ രൂപം കൊണ്ട  പ്രവാസ ഭൂമിയിലെ  ആദ്യത്തെ മലയാളി സാംസ്കാരിക കൂട്ടായ്മയാണ് ബഹ്റൈൻ കേരളീയ സമാജം,

മാതൃഭാഷാ പഠനത്തിനായി കഴിഞ്ഞ  നാൽപ്പത് വർഷത്തിലധികമായി ഇവിടെ മലയാളം പാഠശാല പ്രവർത്തിക്കുന്നു.  ഇന്ത്യക്ക് പുറത്ത് സ്ഥാപിക്കപ്പെട്ട ആദ്യ മാതൃഭാഷ പഠന കേന്ദ്രമാണ് ഇത് എന്ന് വിലയിരുത്തപ്പെടുന്നു
കേരള സർക്കാർ സാംസ്കാരിക വകുപ്പിന് കീഴിൽ മലയാളം മിഷൻ ആരംഭിച്ചത് മുതൽ  മിഷൻ്റെ പ്രവർത്തനങ്ങൾ ഇന്ത്യയ്ക്ക് പുറത്തേയ്ക്ക് എത്തിക്കുന്നതിനു വേണ്ടിയുള്ള പ്രവർത്തനങ്ങൾക്ക്  തുടക്കം കുറിച്ചതും ,2011 ൽ ഇന്ത്യക്ക് പുറത്തെ ആദ്യ മലയാളം മിഷൻ പഠനകേന്ദ്രം ആരംഭിച്ചതും ബഹ്റൈൻ കേരളീയ സമാജമാണ്.
ലോകത്തിൽത്തന്നെ ഒരേസമയം ഏറ്റവുമധികം പഠിതാക്കൾ മാതൃഭാഷ പഠനത്തിനായി എത്തുന്ന പഠനകേന്ദ്രവും,
 കണിക്കൊന്ന സൂര്യകാന്തി ആമ്പൽ നീലക്കുറിഞ്ഞി എന്നീ മലയാളം മിഷന്റെ നാല് കോഴ്സുകളും പൂർത്തിയാക്കിയ പഠിതാക്കളുള്ള ഇന്ത്യക്ക് പുറത്തെ ഏക പഠന കേന്ദ്രവും ബഹ്റൈൻ കേരളീയ സമാജമാണ്.

മലയാളം മിഷൻ ആഗോളതലത്തിൽ ആദ്യമായി നടപ്പാക്കുന്ന സമ്പൂർണ്ണ മാതൃഭാഷാ സാക്ഷരത ദൗത്യമായ 'വിശ്വമലയാളം' പദ്ധതിയുടെ ഏകോപനം നിർവ്വഹിക്കുന്നതും മലയാളം മിഷൻ ബഹ്റൈൻ ചാപ്റ്ററിൻ്റെ നോഡൽ സെൻ്ററായി പ്രവർത്തിക്കുന്ന സമാജം കേന്ദ്രികരിച്ചാണ്.
കേരള സർക്കാരിൻ്റെ പ്രവാസികാര്യ വകുപ്പിനു കീഴിൽ പ്രവർത്തിക്കുന്ന നോർക്ക റൂട്ട്സിൻ്റെ വിദേശ രാജ്യത്തെ ആദ്യ  ഓഫീസ് പ്രവർത്തനം ആരംഭിച്ചതും ബഹ്റൈൻ കേരളീയ സമാജത്തിലാണ്.

സംസ്ഥാന സർക്കാരിൽ നിന്നും
ലഭിച്ച ഈ പുരസ്കാര ലബ്ധിയിൽ സന്തോഷവും അഭിമാനവുമുണ്ടെന്നും,
സമാജത്തിലെ എല്ലാ ഭാഷാ പ്രവർത്തകർക്കും  അംഗങ്ങൾക്കുമായി പുരസ്കാരം സമർപ്പിക്കുന്നുവെന്നും സമാജം പ്രസിഡൻ്റ് പി.വി.രാധാകൃഷ്ണ പിള്ള  അറിയിച്ചു.
കൂടുതൽ വിപുലമായ രീതിയിൽ ഭാഷാ-സാംസ്കാരിക പ്രവർത്തനങ്ങൾ ഏകോപിപ്പിക്കാൻ ഈ പുരസ്കാരം ഊർജ്ജം നൽകുമെന്നും പുരസ്കാരത്തിനായി സമാജത്തെ തെരഞ്ഞെടുത്ത കേരള സർക്കാരിനോടുള്ള നന്ദി അറിയിക്കുന്നുവെന്നും ജനറൽ സെക്രട്ടറി വർഗ്ഗീസ് കാരക്കൽ പറഞ്ഞു.

ബഹ്‌റൈൻ കേരളീയ സമാജം പുതിയ ഭരണ സമിതിയുടെ പ്രവർത്തനോൽഘാടനം മാർച്ച്‌ 22 വെള്ളിയാഴ്ച രാത്രി 8 മണിക്ക്‌ കേരളത്തിലെ മുതിർന്ന പ്രഭാഷകനും എഴുത്തുകാരനും മലയാള ദൃശ്യമാധ്യമ രംഗത്തെ രാഷ്ട്രീയ നിരീക്ഷകനുമായ അഡ്വക്കറ്റ്. എ. ജയശങ്കർ നിർവഹിക്കുമെന്ന്  പ്രസിഡന്റ് പി വി രാധാകൃഷ്ണപിള്ളയും  വർഗീസ് കാരക്കലും സമാജം പത്രക്കുറിപ്പിൽ അറിയിച്ചു.

മലയാളത്തിലെ പ്രമുഖ മാധ്യമങ്ങളിലെ രാഷ്ട്രീയ കോളമെഴുത്തുകളിലൂടെയും ഹാസ്യാത്മകമായ വിവരണങ്ങളിലൂടെയും ശ്രദ്ധയാകർഷിച്ച അഡ്വക്കറ്റ്. എ ജയശങ്കർ  കേരളത്തിലെ ടെലിവിഷൻ ചർച്ചകളിലെ സ്ഥിരം സാന്നിധ്യവും രാഷ്ട്രീയ വിമർശകനുമായി അറിയപ്പെടുന്നു.

കഴിഞ്ഞ വെള്ളിയാഴ്ച്ച നടന്ന ബഹ്‌റൈൻ കേരളീയ  സമാജം ജനറൽബോഡിയിൽ ഐക്യകണ്ഠേന പി വി രാധാകൃഷ്ണപിള്ള പ്രസിഡണ്ടും വർഗീസ് കാരക്കൽ ജനറൽ സെക്രട്ടറിയുമായി പുതിയ ഭരണസമിതിയിലേക്കുള്ള പാനലിനെ തിരഞ്ഞെടുക്കുകയായിരുന്നു എന്നും സമാജം മെംബേർസ്  നൽകിവരുന്ന  പിന്തുണക്കും വിശ്വാസത്തിനും നന്ദി രേഖപ്പെടുത്തുന്നതായും പുതിയ ഭരണസമിതിക്ക് ബഹ്റൈനിലെ മുഴുവൻ മലയാളി സുഹൃത്തുക്കളുടെയും സഹകരണവും കരുതലും തുടർന്നും ഉണ്ടാവണമെന്നും സമാജം പ്രസിഡണ്ട് പി വി രാധാകൃഷ്ണപിള്ള അഭ്യർത്ഥിച്ചു.

22 വെള്ളിയാഴ്ച  വൈകുന്നേരം എട്ടുമണിക്ക് നടക്കുന്ന ചടങ്ങിലേക്ക് സ്വാഗതം ചെയ്യുന്നതായും തുടർന്ന്  വിവിധ കലാപരിപാടികൾ  അരങ്ങേറുമെന്നും ബഹറിൻ കേരളീയ സമാജം പത്രക്കുറിപ്പിൽ അറിയിച്ചു.

ഹൃസ്വ ചലച്ചിത്ര മേളയും അവാർഡ് നിശയും മാർച്ച്‌ ഒന്നിന് .



മനാമ: ബഹ്‌റൈൻ കേരളീയ സമാജം ഫിലിം ക്ലബ്ബിന്റെ ആഭിമുഖ്യത്തിൽ നടത്തുന്ന ഫിലിം ക്ലബ്ബ് അവാർഡ് നിശയും ഹൃസ്വ ചലച്ചിത്ര മേളയും ഈ വരുന്ന മാർച്ച്‌ ഒന്ന് വെള്ളിയാഴ്ച നടക്കും . ബഹ്‌റൈൻ പ്രവാസി  കലാകാരന്മാർ നിർമ്മിച്ച ഇരുപത്തിരണ്ടോളം  ചിത്രങ്ങളാണ് മത്സര വിഭാഗത്തിലേക്ക് തിരഞ്ഞെടുത്തിരിക്കുന്നത്. പ്രശസ്ത ചലച്ചിത്ര സംവിധായകനും ഫെഫ്ക ഡയറക്ട്ടേഴ്‌സ് യൂണിയൻ ജനറൽസെക്രട്ടറിയുമായ ശ്രീ ജി എസ് വിജയൻ, ഛായാഗ്രാഹകനും സംവിധായകനുമായ  ശ്രീ വിപിൻമോഹൻ, സംവിധായകനും കലാ സംവിധായകനും കേരള സംസ്ഥാന ചലച്ചിത്ര അവാർഡ്കമ്മറ്റി അംഗവുമായ ശ്രീ റോയ് പി തോമസ്‌ എന്നിവരടങ്ങുന്ന ജൂറി, മികച്ച ചിത്രം, രചന, സംവിധാനം, ഛായഗ്രഹണം, ചിത്രംസംയോജനം, നടൻ, നടി തുടങ്ങി വിവിധമത്സര വിഭാഗത്തിൽ വിധി നിർണയം നടത്തും.

മാർച്ച്‌ ഒന്ന് വെള്ളിയാഴ്ച വൈകകുന്നേരം 5 മണി മുതൽ ബഹ്‌റൈൻ കേരളീയ സമാജം ഡയമണ്ട് ജൂബിലി ഹാളിൽ  മത്സര ചിത്രങ്ങളുടെ പ്രദർശനം ആരംഭിക്കും. തുടർന്ന് നടക്കുന്ന അവാർഡ് നിശയിൽ പ്രശസ്ത ചലച്ചിത്ര സംവിധായകൻ ശ്രീ സിബി മലയിൽ മുഖ്യാഥിതിയായി  പങ്കെടുക്കുമെന്ന് സമാജം പ്രസിഡന്റ് പി വി രാധാകൃഷ്ണപിള്ള ജനറൽ സെക്രട്ടറി വർഗീസ് കാരക്കൽ  എന്നിവർ വാർത്താകുറിപ്പിലൂടെ അറിയിച്ചു.

മത്സര വിജയികൾക്ക്  പുരസ്കാരം നൽകുന്നതിനു പുറമെ,  തത്സമയ തിരഞ്ഞെടുപ്പിലൂടെ ഓഡിയൻസ് ചോയ്സ് അവാർഡ് പ്രേക്ഷകർക്കും തിരഞ്ഞെടുക്കുവാനുള്ള അവസരമുണ്ടാകുമെന്ന് സമാജം മെമ്പർഷിപ്പ് സെക്രട്ടറി ദിലീഷ് കുമാർ ബി കെ എസ് ഫിലിം ക്ലബ് കൺവീനർ അരുൺ ആർ പിള്ള ഫെസ്റ്റിവൽ കോർഡിനേറ്റർ അജയ് പി നായർ എന്നിവർ അറിയിച്ചു. കൂടുതൽ വിവരങ്ങൾക്ക്  34020650,  3972 0030,39918997

Find as on facebook

Latest Events

No events

Address

Address :

P.B # 757, Bldg #  32 Block - 328, Road 2801,Sugayya Manama, Kingdom of Bahrain

Phone :

(+973) 172 518 78

Fax:

(+973) 172 518 78

Email:

This email address is being protected from spambots. You need JavaScript enabled to view it.

 

Flickr Gallery