• bksamajam@gmail.com

  • Call Us:(+973) 172 518 78

  • Time:Mon-Sun: 10.00-20.00

News & Events

We're here to bring you the latest updates

Previous Next

ബഹറിൻ കേരളീയ സമാജം ഗാർഡൻ ക്ലബ്ബിന്റെ ആഭിമുഖ്യത്തിൽ  ലോക പരിസ്ഥിതി ദിനം ആചരിച്ചു  ജൂൺ 5  ന് വൈകിട്ട് 7 മണിക്ക്  സമാജം പ്രസിഡണ്ട്‌ ശ്രീ  പി  വി  രാധാകൃഷ്ണപിള്ളയും ജനറൽ സെക്രട്ടറി ശ്രീ. വർഗീസ് കാരക്കലും ചേർന്ന് വൃക്ഷ തൈകൾ നട്ട് ലോക പരിസ്ഥിതി ദിനം ആചരിച്ചു.  ഭരണ സമിതി അംഗങ്ങളായ വർഗ്ഗീസ്  ജോർജ്ജ് , പോൾസൺ ലോനപ്പൻ ,വിനൂപ് ,മഹേഷ് ഗോപാലകൃഷ്ണ പിള്ളൈ,  ഗാർഡൻ ക്ലബ് കൺവീനർ  ടോണി പെരുമാനൂർ , മിസ്സ് നൈന ,മറ്റ് സമാജം അംഗങ്ങൾ  തുടങ്ങിയവർ വൃക്ഷതൈകൾ നട്ടു.

ബി കെ എസ് ഓണാഘോഷങ്ങളുടെ (ശ്രാവണം 2022) ലോഗോ പ്രകാശനവും മെഗാ ചരട് പിന്നിക്കളി, മെഗാ തിരുവാതിര എന്നിവയുടെ  റിഹേഴ്സലിന്റെ ഔദ്യോഗിക ഉദ്ഘാടനം വും നടന്നു .

ബഹ്‌റൈൻ കേരളീയ സമാജം ഓണാഘോഷങ്ങളുടെ ഭാഗമായി, 100 സ്ത്രീകളെ വീതം പങ്കെടുപ്പിച്ചു കൊണ്ടു സംഘടിപ്പിക്കുന്ന മെഗാ ചരട് പിന്നിക്കളിയുടെയും മെഗാ തിരുവാതിരയുടെയും റിഹേഴ്സലിന്റെ ഔദ്യോഗിക ഉദ്ഘാടനം  ( ജൂണ്13 ന്  തിങ്കളാഴ്ച) വൈകിട്ട്  07 30 ന്  സമാജത്തിൽ നടന്നു.  സമാജത്തിന്റെ പ്രസിഡന്റ് ശ്രീ പിവി രാധാകൃഷ്ണ പിള്ളൈ  സമാജം ജനറൽ സെക്രട്ടറി ശ്രീ വർഗീസ് കാരക്കലിന്റെ സാനിധ്യത്തിൽ ഭദ്രദീപം കൊളുത്തി ചടങ്ങു  ഉദ്ഘാടനം ചെയ്തു. ഈ വർഷത്തെ ഓണാഘോഷ കമ്മിറ്റി ചെയർമാൻ ശ്രീ എം പി രഘു . സമാജം ഭരണ സമിതി അംഗങ്ങൾ , കൺവീനർമാരായ ശ്രീമതി മോഹിനി തോമസ്, ശ്രീമതി ജയാ രവി കുമാർ  , ഓണാഘോഷ കമ്മിറ്റി ജനറൽ കൺ വീനർ ശ്രീ ശങ്കർ പള്ളൂർ മറ്റു സമാജം അംഗങ്ങൾ തുടങ്ങിയവർ  ചടങ്ങിൽ പങ്കെടുത്തു.

ഈ വർഷത്തെ ഓണാഘോഷത്തിന്റെ ലോഗോ പ്രകാശനവും ചടങ്ങിൽ സമാജം പ്രസിഡന്റ് പി വി രാധാകൃഷ്ണ പിള്ള നിർവ്വഹിച്ചു

ബഹറിൻ കേരളീയ സമാജവും അർജുൻസ് ചെസ്സ് അക്കാദമിയും സംയുക്തമയി സംഘടിപ്പിച്ച പതിനാറുവയസ്സിനു താഴെയുള്ളകുട്ടികൾക്കായുള്ള ചെസ്സ്മത്സരം ബഹറിൻ കേരളീയസമാജം ബാബുരാജ് ഹാളിൽ നടന്നു.  മത്സരത്തിന് കുട്ടികളുടെ മികച്ച പങ്കാളിത്തമുണ്ടായതായി സമാജം ജനറൽ സെക്രട്ടറി ശ്രീ വർഗ്ഗീസ് കാരക്കൽ പത്ര കുറിപ്പിൽ അറിയിച്ചു .വിജയികൾക്ക് സമാജം വൈസ് പ്രസിഡന്റ് ശ്രീ ദേവദാസ് കുന്നത്ത് , ലൈബ്രേറിയൻ വിനൂപ് വി , ഇൻഡോർ ഗെയിംസ് സെക്രട്ടറി പോൾസൺ ലോനപ്പൻ , ലോഹിദാസ് പല്ലിശ്ശേരി തുടങ്ങിയവർ സമ്മാന വിതരണം നടത്തി. അർജുൻസ് ചെസ്സ് അക്കാദമി ശ്രീ അർജുനും സന്നിഹിതനായിരുന്നു. അമ്പതോളം കുട്ടികൾ പങ്കെടുത്ത ചെസ്സ് മത്സരത്തിൽ പതിനാറു വയസ്സിൽ താഴെയുള്ളവരുടെ മത്സരത്തിൽ പ്രണവ് ബോബി ശേഖർ  ചാമ്പ്യൻ ആയി അത് പോലെ പത്തു വയസ്സിൽ താഴെയുള്ളവരുടെ മത്സരത്തിൽ സഞ്ജന സെൽവരാജ് ചാമ്പ്യൻ ആയി.

ബഹ്‌റൈൻ കേരളീയ സമാജം ചാരിറ്റി - നോർക്ക കമ്മിറ്റി ബ്ലഡ് ഡോണേഴ്സ് കേരള ബഹ്‌റൈൻ ചാപ്റ്ററുമായി ചേർന്ന് നടത്തുന്ന ബ്ലഡ് ഡൊണേഷൻ ക്യാമ്പ് ആഗസ്റ്റ് 5 വെള്ളിയാഴ്ച നടക്കും.

കിംഗ് ഹമദ്‌ യൂണിവേഴ്സിറ്റി ഹോസ്പിറ്റൽ ബ്ലഡ് ബാങ്ക് അധികൃതർ സമാജം ബാബുരാജ് ഹാളിൽ വന്ന് രക്തം സ്വീകരിക്കുന്നതാണ്.  രക്തദാനത്തിനായി  കെ. ടി. സലിം (33750999) രാജേഷ് ചേരാവള്ളി (35320667) എന്നിവരുമായി ബന്ധപ്പെടമെന്ന് ബഹ്‌റൈൻ കേരളീയ സമാജം പ്രസിഡണ്ട് പി. വി. രാധാകൃഷ്ണപിള്ള, ജനറൽ സെക്രട്ടറി വർഗീസ് കാരക്കൽ, വൈസ് പ്രസിഡണ്ട് ദേവദാസ് കുന്നത്ത് എന്നിവർ അറിയിച്ചു.

Previous Next

യുഎഇ പ്രസിഡന്റ് എച്ച് ഇ ഷെയ്ഖ് ഖലീഫ ബിൻ സായിദ് അൽ നഹ്യാന്റെ ദുഃഖകരമായ നിര്യാണത്തെത്തുടർന്ന് മാറ്റിവച്ച ബികെഎസ് ഇൻഡോ - ബഹ്‌റൈൻ മ്യൂസിക് ആൻഡ് ഡാൻസ് ഫെസ്റ്റിവലിന്റെ ഗ്രാൻഡ് ഫിനാലെ  ജൂൺ 10-ന് വൈകീട്ട് 7.30-ന് ഷെഡ്യൂൾ ചെയ്‌തതായി ബികെഎസ് പ്രസിഡന്റ്  പി.വി.രാധാകൃഷ്ണ പിള്ള,ജനറൽ സെക്രട്ടറി .വർഗീസ് കാരക്കൽ എന്നിവർ പത്രക്കുറിപ്പിൽ അറിയിച്ചു. ലോകപ്രശസ്ത സരോദ് ത്രയോ  ഉസ്താദ് അംജദ് അലി ഖാൻ, അദ്ദേഹത്തിന്റെ മക്കളായ അമൻ അലി ഖാൻ, അയാൻ അലി ഖാൻ എന്നിവരുടെ സംഗീത പരിപാടി ജൂൺ 10 വെള്ളിയാഴ്ച വൈകുന്നേരം 7:00 ന്  ബഹ്‌റൈൻ കേരളീയ സമാജം  ഡയമണ്ട് ജൂബിലി ഹാളിൽ നടക്കും.

ഇന്ത്യൻ എംബസിയുമായി സഹകരിച്ചു കൊണ്ടും , (BACA) ബഹ്‌റൈൻ അതോറിറ്റി ഫോർ കൾച്ചർ ആൻഡ് ആൻറിക്വിറ്റീസ് പിന്തുണയോടെയുമാണ് തങ്ങൾ  ഈ ഫെസ്റ്റിവൽ സംഘടിപ്പിക്കുന്നതെന്ന് ബികെഎസ് ഇൻഡോ ബഹ്‌റൈൻ ഫെസ്റ്റ് ജനറൽ കൺവീനർ ശ്രീ. പ്രശാന്ത് ഗോവിന്ദാപുരം പറഞ്ഞു .

ബഹ്‌റൈനും  ഇന്ത്യയും തമ്മിലുള്ള നയതന്ത്രബന്ധം ചരിത്രപരവും ആഴത്തിൽ വേരൂന്നിയതും ദീർഘകാലമായി  നിലനിൽക്കുന്നതുമാണ്. ഇന്ത്യയും ബഹ്‌റൈനും തമ്മിലുള്ള നയതന്ത്രബന്ധം സ്ഥാപിക്കുന്നതിന്റെ സുവർണ ജൂബിലി വർഷമാണ് 2022. ഇന്ത്യ സ്വാതന്ത്ര്യത്തിന്റെ 75 വർഷം ആഘോഷിക്കുമ്പോൾ, BKS അതിന്റെ അസ്തിത്വത്തിന്റെ 75 വർഷവും ആഘോഷിക്കുന്നു , ഈ മൂന്ന് നാഴികക്കല്ലുകളുടെ ആഘോഷങ്ങളുടെ ഭാഗമായാണ് ബഹ്‌റൈൻ കേരളീയ സമാജം ബി കേസ് എസ് ഇൻഡോ ബഹ്‌റൈൻ ഡാൻസ് ആൻഡ് മ്യൂസിക് ഫെസ്റ്റിവൽ സംഘടിപ്പിച്ചത് എന്ന് സമാജം ഭരണ സമിതി അറിയിച്ചു .
പ്രശസ്ത വീണ വിദ്വാൻ  രാജേഷ് വൈദ്യയും സംഘവും  അവതരിപ്പിക്കുന്ന പരിപാടി ജൂൺ 12 ഞായറാഴ്‌ച രാത്രി 7 .30 നടക്കും
പാസുള്ളവർ കൃത്യസമയത്ത് സീറ്റുകൾ  കരസ്ഥമാക്കണമെന്നും അതുപോലെ  ഫുട്‌ബോൾ ഗ്രൗണ്ടിലാണ് പാർക്കിംഗ് ക്രമീകരിച്ചിരിക്കുന്നതെന്ന് സംഘാടകർ അറിയിച്ചു

ബഹറിൻ കേരളീയ സമാജം എല്ലാവർഷവും കുട്ടികൾക്കായി നടത്തിവരാറുള്ള സമ്മർ ക്യാമ്പ് കളിക്കളം - 2022 ജൂലൈ 05 ന് ആരംഭിച്ച് ആഗസ്റ്റ്19വെള്ളിയാഴ്ച്ച അവസാനിക്കും

ബഹറിൻ  കേരളീയ സമാജം എല്ലാവർഷവും കുട്ടികൾക്കായി നടത്തിവരാറുള്ള  സമ്മർ ക്യാമ്പ്  കളിക്കളം - 2022 ജൂലൈ 05 ന്  ആരംഭിച്ച്  ആഗസ്റ്റ്19വെള്ളിയാഴ്ച്ച  അവസാനിക്കും വിധമാണ്  ആസൂത്രണം  ചെയ്തിരിക്കുന്നത് .  
എല്ലാവർക്ഷവും ക്യാമ്പിന് നേതൃത്തം  കൊടുക്കുവാനായി നാട്ടിൽ നിന്നും    കലാ ,സാഹിത്യ ,നാടക ,സിനിമ രംഗത്തെ  പ്രഗൽഭരായ  വ്യക്തികളാണ് എത്തിച്ചേരാറുള്ളത്.

1984 ൽ  അവധിക്കാല  കളരികൾക്ക് തുടക്കം കുറിച്ചുകൊണ്ട് ആലപ്പുഴ കേന്ദ്രമായി പ്രവർത്തിച്ചുവരുന്ന കേരളത്തിലെ കുട്ടികളുടെ തീയേറ്ററായ ചിക്കൂസ്  കാളിയരങ്ങിന്റെ ഡയറക്ടറും , ചത്രകലാ അധ്യാപകനായി സംസ്ഥാന വിദ്യാഭ്യാസ  വകുപ്പിൽ 35 വർഷകാലം  സേവനമനുഷ്ഠിച്ചിട്ടുള്ള , മികച്ച കലാ പ്രവർത്തനത്തിന് 1999ൽ നാഷണൽ  അവാർഡി ടീച്ചേർസ്  ഫെഡറേഷന്റെ   ഗുരു ശേഷ്ട്ര  പുരസ്‌കാര ജേതാവും , കുട്ടികളുടെ  കലാപ്രവർത്തനങ്ങൾക്ക് ഒട്ടനവധി പുരസ്കാരങ്ങളും    ലഭിച്ചിട്ടുള്ള ,  സംസ്ഥാനത്തൊട്ടാകെ 2000 ൽ  അധികം  വേദികളിൽ  ക്ലാസുകൾ  നയിച്ച, 2009 മുതൽ വിദേശ  രാജ്യങ്ങളിൽ    തുടർച്ചയായി  അവധിക്കാല  ക്ലാസ്സുകൾക്ക് നേതൃത്തം നൽകുന്ന 2019 ലെ ബഹറിൻ കേരളീയ സമാജം ഗുരു ശ്രേഷ്ഠ പുരസ്‌കാര ജേതാവ് കൂടിയായ  ശ്രീ .ചിക്കൂസ്  ശിവനും , ശ്രീമതി .രാജേശ്വരി  ശിവനും  ആണ് ഈ വർഷത്തെ ക്യാമ്പിന് നേതൃത്തം കൊടുക്കുവാനായി എത്തിച്ചേരുന്നത് .

മുഴുവൻ സമയവും  കുട്ടികളുടെ  തീയേറ്ററുമായി    ബന്ധപ്പെട്ട് മാത്രം പ്രവർത്തിക്കുന്ന ശ്രീ .ചിക്കൂസ് ശിവൻ  കുട്ടികളുടെ നാടക വേദികളിൽ രചനയും ,സംവിധാനവും ,വേഗതയേറിയ ചിത്രീകരണവും, കുട്ടികളാൽ അവരുടെ സർഗ്ഗ ശേഷിയെ പ്രോത്സാഹിപ്പിക്കും വിധം കളി ചിരിയുടെ താളമേളത്തിൽ വരയും ,ചിരിയും ,ചിന്തയും എന്ന വിഷയത്തിലും കുട്ടികളെ അവരുടെ അഭിരുചികളിലേക്ക് നയിക്കുന്നതാണ്‌ .

വിവിധ മേഖലകളിൽ പ്രഗൽഭരായ  പതിനഞ്ചോളം  സമാജം അംഗങ്ങളും ക്യാമ്പിൽ പരിശീലകരായി മുഴുവൻ സമയവും ഉണ്ടായിരിക്കുന്നതാണ് .
വിജ്ഞാനത്തിന്റെ  മേഖലകൾ അതിവേഗം വികസിച്ചു കൊണ്ടിരിക്കുന്ന ഈ കാലഘട്ടത്തിൽ അതിന്റെ ചൈതന്യം  ഉൾകൊള്ളാനും , സർഗ്ഗാത്മക  സിദ്ദികൾക്കു പുതിയ മാനങ്ങൾ കണ്ടെത്തുന്നതോടൊപ്പം സമഗ്രമായ വിജ്ഞാന വർദ്ധനവിനും  ഈ ക്യാമ്പ് സഹായകരമാകും .കഴിഞ്ഞുപോയ  കാലഘട്ടങ്ങൾ , ആനന്ദം നിറഞ്ഞ  കാഴ്ചകൾ , മലയാള കരയിലെ ആഘോഷങ്ങൾ  ബാല്യ കൗമാര കൂട്ടായ്മകൾ എന്നിവയുടെ ഓർമ്മ ചെപ്പു തുറന്നുകൊണ്ട് കുട്ടി പാട്ടുകൾ , കുട്ടി കഥകൾ , കുട്ടിയും കോലും ,വട്ടുകളി തലപ്പന്ത് , അടിച്ചോട്ടം , കൊച്ചം കുത്ത് , ഉപ്പും പക്ഷി , തുമ്പകളി , എന്നിങ്ങനെ  വിവിധയിനം കളികൾ ,നൃത്തം , സംഗീതം , നാടൻ പാട്ട്. സാഹിത്യം ,തിയേറ്റർ ക്യാമ്പ് , ചിത്രരചന  കാർട്ടൂൺ , ക്രാഫ്റ്റ് ,  എന്നിവയിലും കുട്ടികൾക്ക് പരിശീലന ക്ലാസുകൾ ഉണ്ടാകും .അതോടൊപ്പം വ്യക്തിത്ത വികസനം , പ്രസംഗ പരിശീലനം ,വിമാന യാത്രയെക്കുറിച്ചുള്ള വിവരണം പറന്നു പറന്ന് , ട്രാഫിക് , ഇലക്ട്രിക്ക്  ഉപകരണങ്ങൾ  , മെഡിക്കൽ ബോധവൽക്കരണം, തുടങ്ങിയ  നിരവധി ക്ലാസുകൾ , കൂടാതെ കരോട്ടെ , ബാസ്കറ്റ് ബോൾ , ഫുട്ബോൾ , വോളിബാൾ ,ബാഡ്മിന്റൺ , സ്പോർട്സ് ,   എന്നിങ്ങനെ വിവിധയിനം കലാ കായിക പരിപാടികൾ  ക്യാമ്പിന്റ  പ്രത്യേകതകൾ ആയിരിക്കും .
5 വയസ്സുമുതൽ 15 വയസ്സുവരെയുള്ള  കുട്ടികൾക്കാണ് ക്യാമ്പിൽ  പ്രവേശനം അനുവദിക്കുന്നത് ജൂലൈ  5 മുതൽ  ആഗസ്റ്റ്  19 വരെ നീണ്ടു നിൽക്കുന്ന  ക്യാമ്പിലേക്കുള്ള  റെജിസ്ട്രേഷൻ  ആരംഭിച്ചതായി  സമാജം ഭാരവാഹികൾ അറിയിച്ചു .

ബഹ്‌റിനിലെ  വിവിധ പ്രദേശങ്ങളിൽ നിന്നും ക്യാമ്പ് അവസാനിക്കുന്നതുവരെ സ്ഥിരമായ  വാഹന  സൗകര്യം ഏർപ്പാടാക്കിയിട്ടുണ്ട് .സമാജം വൈസ് പ്രസിഡന്റ്  ശ്രീ . ദേവദാസ് കുന്നത്ത് കോ ഓർഡിനേറ്റർ അയി , ശ്രീ .മനോഹരൻ പാവറട്ടി  ജനറൽ കൺവീനറുമായി വിപുലമായ കമ്മറ്റിയാണ് സമ്മർ ക്യാമ്പിന് നേതൃത്തം കൊടുക്കുന്നത് .

ആഗസ്റ്റ്  19 ന് സംഘടിപ്പിക്കുന്ന  സമാപന സമ്മേളനത്തിൽ  ക്യാമ്പിൽ പങ്കെടുത്ത  കുട്ടികൾക്കുള്ള  സർട്ടിഫിക്കറ്റ്  വിതരണവും , കുട്ടികൾ അവതരിപ്പിക്കുന്ന  വിവിധ കലാപരിപാടികളും  ഉണ്ടായിരിക്കുന്നതാണ് .

പ്രവാസികളായ നമ്മുടെ കുട്ടികൾക്ക് നമ്മുടെ  സംസ്കാരത്തെയും സാഹിത്യത്തെയും ,കലയെയും ,പാരമ്പര്യത്തെയും  തിരിച്ചറിയാൻ ലഭിക്കുന്ന അസുലഭ  അവസരമാണ് ഇത്തരം ക്യാമ്പുകൾ .അവരുടെ സർഗ്ഗ വാസനകളെ  കണ്ടെത്തി  , കലാ ,സാഹിത്യ .കായിക കഴിവുകളെ   പ്രോത്സാഹിപ്പിക്കുവാനും  അവ   വേദികളിൽ  അവതരിപ്പിക്കാനുള്ള  അവസരമൊരുക്കിയുമാണ് ഈ അവധി ക്കാല  ക്യാമ്പിന്  സമാജം   തയ്യാറെടുക്കുന്നത് . ഈ  അവസരം പരമാവധി  പ്രയോജനപ്പെടുത്തണമെന്നും ,ക്യാമ്പ്  വിജയിപ്പിക്കുന്നതിനുള്ള  എല്ലാ സഹായ സഹകരണങ്ങളും  ഉണ്ടാകണമെന്നും  സമാജം  പ്രസിഡണ്ട്  ശ്രീ .പി.വി . രാധാകൃഷ്ണ പിള്ള , ജനറൽ സെക്രട്ടറി .ശ്രീ വർഗീസ് കാരക്കൽ എന്നിവർ അഭ്യർത്ഥിച്ചു. റെജിസ്ട്രേഷനും   മറ്റു വിവരങ്ങൾക്കുമായി  ജനറൽ  കൺവീനർ  മനോഹരൻ  പാവറട്ടി  ( 39848091  ) ബന്ധപ്പെടാവുന്നതാണ്

Find as on facebook

Latest Events

No events

Address

Address :

P.B # 757, Bldg #  32 Block - 328, Road 2801,Sugayya Manama, Kingdom of Bahrain

Phone :

(+973) 172 518 78

Fax:

(+973) 172 518 78

Email:

This email address is being protected from spambots. You need JavaScript enabled to view it.

 

Flickr Gallery