• bksamajam@gmail.com

  • Call Us:(+973) 172 518 78

  • Time:Mon-Sun: 10.00-20.00

News & Events

We're here to bring you the latest updates

തിരഞ്ഞെടുപ്പിൽ മുന്നോട്ട് വെച്ച പ്രഖ്യാപനങ്ങൾ സമയബന്ധിതമായി നിർവഹിച്ചുക്കൊണ്ടിരിക്കുന്ന സർക്കാറാണ് കേരളത്തിലുള്ളത് എന്നും അടിസ്ഥാന മേഖലയിൽ വികസനം ഉറപ്പുവരുത്തുകയും അൻപത്തഞ്ച് ലക്ഷത്തോളം  പേർക്ക് സാമൂഹ്യക്ഷേമ പെൻഷൻ പ്രതിസന്ധികൾക്കിടയിലും നൽകുകയും ചെയ്തു കൊണ്ടിരിക്കുന്നുവെന്നും കേരള ഭക്ഷ്യ സിവിൽ സപ്ലെസ് മന്ത്രി ജി.ആർ അനിൽ പറഞ്ഞു.

ബഹറൈൻ കേരളീയ സമാജത്തിൻ്റെ  പുതിയ ഭരണസമിതിയുടെ പ്രവർത്തനോദ്ഘാടനം നിർവ്വഹിച്ചുക്കൊണ്ട് സംസാരിക്കുകയാരുന്നു മന്ത്രി.

കേരളീയ  സമൂഹം ഈ അടുത്ത കാലത്ത് നേരിട്ട പ്രതിസന്ധികളിലെല്ലാം ബഹറൈൻ കേരളീയ സമാജം നൽകിയ സഹായങ്ങൾ വിലമതിക്കാനാകാത്തതാണെന്നും സർക്കാറിൻ്റെ പ്രവാസികൾക്കായുള്ള ക്ഷേമ പ്രവർത്തനങ്ങളിൽ സമാജത്തെ കൂടെ സജീവ പങ്കാളിയാക്കുമെന്നും മന്ത്രി സൂചിപ്പിച്ചു.  പി വി രാധാകൃഷ്ണപിള്ള അദ്ധ്യക്ഷത വഹിച്ച സമ്മേളനത്തിൽ വർഗ്ഗീസ് കാരക്കൽ സ്വാഗതവും പി പി.സുനീർ ആശംസയും ദേവദാസ് കുന്നത്ത് നന്ദി പറഞ്ഞു.

തുടർന്ന് നടന്ന കലാപരിപാടിയിൽ  പ്രശസ്ത സിനിമാതാരം ജയാമേനോൻ സംവിധാനം ചെയ്ത പുനർജ്ജനിയും ലക്ഷ്മി ജയനും സംഘവും ഗാനമേളയും ഉണ്ടായിരുന്നു.

പി.വി.രാധാകൃഷ്ണ പിള്ള പ്രസിഡണ്ടായും ജനറൽ സെക്രട്ടറി വർഗ്ഗീസ് കാരക്കലിൻ്റെയും നേതൃത്വത്തിലുള്ള ഭരണ സമിതി ഐക്യകണ്Oനേ തിരഞ്ഞെടുക്കപ്പെടുകയായിരുന്നു.വൈസ് പ്രസിഡന്റ് : ദേവദാസ് കുന്നത്ത്
അസിസ്റ്റന്റ് ജനറൽ സെക്രട്ടറി : വർഗീസ് ജോർജ്
ട്രഷറർ : ആഷ്‌ലി കുര്യൻ
കലാവിഭാഗം സെക്രട്ടറി : ശ്രീജിത്ത് ഫറോക്ക്
മെമ്പർഷിപ് സെക്രട്ടറി : ദിലീഷ് കുമാർ
സാഹിത്യ വിഭാഗം സെക്രട്ടറി : ഫിറോസ് തിരുവത്ര
ലൈബ്രറി വിഭാഗം സെക്രട്ടറി : വിനൂപ് കുമാർ
ഇൻഡോർ ഗെയിംസ് സെക്രട്ടറി : പോൾസൺ
ഇന്റേണൽ  ഓഡിറ്റർ : മഹേഷ് പിള്ള എന്നിവരാണ് ഭരണസമിതിയിലെ മറ്റ് അംഗങ്ങൾ

സമാജത്തിൽ നാടകോത്സവ അരങ്ങ് ഉണരുകയായി

ബി.കെ.എസ് സ്കൂൾ ഓഫ് ഡ്രാമ സംഘടിപ്പിക്കുന്ന, പ്രൊഫസർ നരേന്ദ്ര പ്രസാദ് അനുസ്മരണ നാടകോത്സവം 2022 ജനുവരി 11 മുതൽ 19 വരെ, കേരളീയ സമാജം ഡയമണ്ട് ജൂബിലി ഹാളിൽ നടത്തപ്പെടുന്നു. ഒൻപത് രാത്രികളിലായി ഒൻപത് നാടകങ്ങൾ, ബഹറിനിലെ നാടക പ്രേമികൾക്കായി ഒരുങ്ങിയിരിക്കുന്നതായി സമാജം പ്രസിഡണ്ട് പി വി രാധാകൃഷ്ണപിള്ള, ജനറൽ സെക്രട്ടറി വർഗീസ് കാരക്കൽ, കലാ വിഭാഗം സെക്രട്ടറി പ്രദീപ് പതേരി, സ്കൂൾ ഓഫ് ഡ്രാമ കൺവീനർ വിനോദ് വി ദേവൻ എന്നിവർ പത്രക്കുറിപ്പിലൂടെ അറിയിച്ചു.

ഒരു നാടകാവതരണ ത്തിലൂടെയാണ് ബഹറിൻ കേരളസമാജം 75 വർഷങ്ങൾക്ക് മുമ്പ് തുടങ്ങിയതെന്നും, തുടർച്ചയായ ഒമ്പത് ദിവസങ്ങൾ സമാജം ഡയമണ്ട് ജൂബിലി ഹാൾ നാടകങ്ങൾക്ക് മാത്രമായി ഒരുക്കി നിർതുന്നത് നടാടെ ആണെന്നും, സമാജം പ്രസിഡണ്ട് കൂട്ടിച്ചേർത്തു.

ഉദ്ഘാടന ദിവസം ജനവരി 11 ചൊവ്വാഴ്ച രാത്രി 8 മണിക്ക്  ബഹ്റൈൻ കേരളീയ സമാജം പുസ്തകശാല മുഖ്യ പ്രായോജകരായ,   ബേബിക്കുട്ടൻ കൊയിലാണ്ടി യുടെ സംവിധാനത്തിൽ അരങ്ങിലെത്തുന്ന നാടകം "ദി ലാസ്‌റ് സല്യൂട്ട് ". ജയൻ തീരുമന , പ്രെറ്റി റോയ് എന്നിവരാണ് രചയിതാക്കൾ.

രണ്ടാം ദിനം ജനുവരി 12 ബുധനാഴ്ച  ജയൻ മേലേത്ത് എഴുതി സംവിധാനം ചെയ്ത നാടകം 'അനർഘ നിമിഷങ്ങൾ' അരങ്ങിലെത്തുന്നു. ബഹ്‌റൈൻ പ്രതിഭ റിഫ മേഖലയാണ് നാടകം അണിയിച്ചൊരുക്കുന്നത്.

മൂന്നാം ദിനം ജനുവരി 13 വ്യാഴാഴ്ച കലാകേന്ദ്ര ആർട്സ് സെന്റർ അവതരിപ്പിക്കുന്ന നാടകം 'ഉമ്മീദ്'. രചന സംവിധാനം പ്രജിത് നമ്പ്യാർ.

നാലാം ദിനം ജനുവരി 14 വെള്ളിയാഴ്ച   വൈഖരി അവതരിപ്പിക്കുന്ന നാടകം 'ദ്രാവിഡപ്പെണ്ണ്'. രചന സംവിധാനം ദീപ ജയചന്ദ്രൻ .

അഞ്ചാം ദിനം ജനുവരി 15 ശനി, നാടകം 'ഒരു ബ്ലാക്ക് ആൻഡ് വൈറ്റ് കഥ' പ്രദീപ് മണ്ടൂരിന്റെ രചനയിൽ കൃഷ്ണകുമാർ പയ്യന്നൂർ സംവിധാനം ചെയുന്നു . കോൺവെക്സ്  മീഡിയ, സഹൃദയ പയ്യന്നൂർ എന്നിവരാണ് നാടകം അണിയിച്ചൊരുക്കുന്നത്.

നാടകോത്സവം ആറാം ദിനം ജനുവരി 16 ഞായർ, ബോണി ജോസ് എഴുതി സംവിധാനം ചെയ്തു  അരങ്ങിലെത്തുന്നു 'കൂട്ട് ' എന്ന നാടകം.

ഏഴാം ദിവസം, ജനുവരി 17 തിങ്കളാഴ്ച ഔർ ക്ലിക്‌സും പ്രവാസി ബഹ്‌റൈനും സംയുക്തമായി അവതരിപ്പിക്കുന്നു, 'അനാമികളുടെ വിലാപം', രചന ഗിരീഷ് പീ സീ പാലം. സംവിധാനം ശ്രീജിത്ത് പറശ്ശിനി.

ജനുവരി 18  ചൊവ്വാഴ്ച എട്ടാം ദിവസം അരങ്ങിലെത്തുന്നു 'ഐ സീ യു', ജയൻ മേലെത്തിൻ്റെ രചനയിൽ ഷാഗിത്ത് രമേശിൻ്റെ സംവിധാനം. 

നാടകോത്സവം അവസാനദിനം, ജനുവരി 19 ബുധനാഴ്ച. ഫിറോസ് തിരുവത്രയുടെ രചനയിൽ ഹരീഷ് മേനോൻ്റെ സംവിധാനത്തിൽ 'അൽ അഖിറ' എന്ന നാടകം അരങ്ങിലെത്തുന്നു.

തികച്ചും കോവിഡ് പ്രോട്ടോക്കോൾ പ്രകാരം ഗ്രീൻ ഷീൽഡ് ഉള്ളവർക്ക് മാത്രമാണ് പ്രവേശനം. ഒൻപത് നാടക ഉത്സവരാവുകളിലേക്ക് കൃത്യം എട്ട് മണിക്ക് മുമ്പായി ബഹ്റൈൻ കേരളീയ സമാജം  ഡയമണ്ട് ജൂബിലി ഹാളിലേക്ക്, എല്ലാ നാടക പ്രേമികളുടെയും കല  ആസ്വാദകരുടെയും സാന്നിദ്ധ്യം പ്രതീക്ഷിക്കുന്നതായി ജനറൽ സെക്രട്ടറി വർഗീസ് കാരക്കൽ കൂട്ടിച്ചേർത്തു.

കൂടുതൽ വിവരങ്ങൾക്ക് ബന്ധപ്പെടുക, പ്രോഗ്രാം കൺവീനർ വിനോത് അളിയത്ത് (3378 2001)

മനുഷ്യരാശിക്ക് ശാന്തിയും അഭയവുമായി  പിറന്ന യേശു നാഥൻ്റെ തിരുപ്പിറവി ലോകജനതക്കൊപ്പം ബഹറിൻ കേരളീയ സമാജവും സമുചിതമായി ആഘോഷിച്ചു. 

ബഹറൈൻ സർക്കാറിൻ്റെ    കോവിഡ് മാനദണ്ഡങ്ങൾ പാലിച്ചുകൊണ്ട് നടത്തിയ ആഘോഷങ്ങൾ പുതുമയും വൈവിധ്യവും കൊണ്ട് ജനശ്രദ്ധ നേടി.

സമാജം മെംബർമാർ ആലപിച്ച കരോൾ ഗാനങ്ങളും ക്രിസ്തുമസ് സന്ദേശങ്ങളടങ്ങിയ  നൃത്തങ്ങളും  കൂടാതെ സമാജം വനിതാ വിഭാഗം സംഘടിപ്പിച്ച ക്രിസ്തുമസ്സ് കരോൾ യാത്രയും ഉണ്ടായിരുന്നു.

തുടർന്ന് നടന്ന സമ്മേളനത്തിൽ  ശ്രീ വർഗ്ഗീസ് ജോർജ്ജ് സ്വാഗതമാശംസിച്ചു . ബി കെ എസ് പ്രസിഡണ്ട് ശ്രീ പി.വി.രാധാകൃഷ്ണപിള്ള അദ്ധ്യക്ഷനായിരുന്നു. സമാജം ജനറൽ സെക്രട്ടറി ശ്രീ വർഗ്ഗീസ് കാരക്കൽ ക്രിസ്തുമസ്സ് ദിന സന്ദേശ പ്രസംഗം നിർവ്വഹിച്ചു.

ക്രിസ്തുമസ്സ് പരിപാടികളുടെ കൺവീനർ ജോർജ്ജ് ജെയിംസ് നന്ദി പ്രസംഗം നടത്തി.

രണ്ട് ക്രിസ്തുമസ്സ് പാപ്പമാരും മനോഹരമായ പുൽക്കുടും  ക്രിസ്മസ് പാപ്പയുടെ കൂറ്റൻ രുപവും മാറ്റുകൂട്ടിയ പരിപാടിയിൽ വിഭവ സമൃദ്ധമായ ഭക്ഷണം ഒരുക്കിയിരുന്നു

Devji BKS Balakalotsavam - 2022 registrations have started. Those who wish to participate can now register online by visiting www.bksbahrain.com or www.bksbalakalotsavam.com. Registrations will be accepted till 25th  December 2021.

 
This year, children studying in *any schools* who are currently available in Bahrain can participate in the festival. The competitions  are scheduled to start from 10th January 2022.
 
Competitions will be conducted strictly in accordance with the Covid protocols laid by the authorities concerned.
 
For more information, you may contact 35320667, 33929920, 33624360, 39440530, 17251878 directly  or on WhatsApp. 
You may also visit *Balakalotsavam office* which will be functioning in BKS premises from 7 PM to 9 PM on weekdays and from 11.00 AM to 9.00 PM on Fridays.

 

പ്രവാസ ലോകത്തെ കുട്ടികളുടെ ഏറ്റവും വലിയ കലാ മാമാങ്കം ദേവ്ജി ബി കെ എസ്  ബാലകലോത്സവം 2022 ജനുവരി ആദ്യ വാരത്തിൽ ആരംഭിക്കുമെന്ന്  ബഹറൈൻ കേരളീയ സമാജം പ്രസിഡണ്ട് പി.വി.രാധാകൃഷ്ണ പിള്ള ജനറൽ സെക്രട്ടറി വർഗ്ഗീസ് കാരക്കൽ എന്നിവർ അറിയിച്ചു.

കോറോണയുടെ  സാഹചര്യത്തിൽ രണ്ട് തവണ മാറ്റി വെച്ച ബാലകലോത്സം നിറയെ പുതുമകളോടെയും പ്രത്യേകതകളോടെയും ആവും  ഈ പ്രാവശ്യം സംഘടപ്പിക്കുക. സമാജത്തിന്റെ ഡയമണ്ട്  ജൂബിലി ഹാൾ, രവി പിള്ള  ഹാൾ, യൂസഫ് അലി ഹാൾ, ബേസ്‌മെന്റ് ഹാൾ,  ബാബുരാജൻ ഹാൾ,രാമചന്ദ്രൻ ഹാൾ  എന്നിവ കൂടാതെ പുതുതായി പണി കഴിപ്പിച്ച മൾട്ടിപർപ്പസ്  ഹാൾ ഉൾപ്പെടെ ഏഴോളം വേദികളിൽ ഒരേ സമയം മത്സരങ്ങൾ സംഘടിപ്പിക്കാൻ  ഉള്ള സൗകര്യം ഒരുക്കി വരുന്നതായി ഭരണസമിതി അറിയിച്ചു . ഈ വർഷം, ബഹറൈനിൽ താമസിക്കുന്ന താൽപ്പര്യമുള്ള  മുഴുവൻ ഇന്ത്യൻ കുട്ടികൾക്കും മത്സരങ്ങളിൽ പങ്കെടുക്കാം                    
ഇരുന്നുറോളം ഇനങ്ങളിൽ അഞ്ച് ഗ്രൂപ്പുകളിലുമായി ആയിരത്തിലധികം കുട്ടികൾ പങ്കെടുക്കുമെന്നാണ്  പ്രതീക്ഷിക്കുന്നതെന്നു  കൺവീനർ ദിലീഷ് കുമാർ പറഞ്ഞു.
കലോത്സവ പരിപാടികളുടെ സുഗമമായ നടത്തിപ്പിനായി ഇരുനൂറോളം  വാളണ്ടിയേഴ്സ് ഉൾക്കൊള്ളുന്ന സംഘാടക സമിതി രൂപീകരിച്ചിട്ടുണ്ട്.

ബഹറൈൻ കേരളീയ സമാജത്തിൻ്റെ വെബ്സൈറ്റു വഴി ഡിസംബർ 15 മുതൽ 25 വരെ മത്സരങ്ങൾക്ക് രെജിസ്റ്റർ ചെയ്യാവുന്നതാണ്.   Website www.bksbahrain.com.

വ്യക്തിഗത മത്സരങ്ങളോടൊപ്പം ഗ്രൂപ്പ് ഇനങ്ങളും ഉണ്ടാവും.

Find as on facebook

Latest Events

No events

Address

Address :

P.B # 757, Bldg #  32 Block - 328, Road 2801,Sugayya Manama, Kingdom of Bahrain

Phone :

(+973) 172 518 78

Fax:

(+973) 172 518 78

Email:

This email address is being protected from spambots. You need JavaScript enabled to view it.

 

Flickr Gallery