ഇന്ത്യൻ എംബസിയുടെയും ബഹ്‌റൈൻ അതോറിറ്റി ഓഫ് കൾച്ചർ ആൻഡ് ആൻറിക്വിറ്റീസിൻ്റെയും സഹായ സഹകരണത്തോടെ, ഏഷ്യയിലെ തന്നെ ഏറ്റവും വലിയ കലാ സാംസ്കാരിക പ്രസ്ഥാനമായ
സൂര്യയുടെ നേതൃത്വത്തിലാണ്  ഇൻഡോ ബഹറിൻ മ്യൂസിക്ക്‌ ഡാൻസ് ഫെസ്റ്റിവൽ അരങ്ങേറുക.

ഇന്ത്യയും ബഹറിനും തമ്മിലുള്ള കലാസാംസ്കാരിക രംഗത്തെ കൾച്ചറൽ എക്സ്ചേഞ്ചിന്റെ   ഭാഗമായി സംഘടിപ്പിക്കുന്ന ഫെസ്റ്റിവലിന്റെ മൂന്നാമത്തെ എഡിഷൻ ആണ് മെയ് മൂന്നാം തീയതി ആരംഭിക്കുന്നതെന്ന് സമാജം പ്രസിഡന്റ്‌ പി വി രാധാകൃഷ്ണ പിള്ള അറിയിച്ചു.
സംഗീത -നൃത്ത രംഗത്തുള്ള ലോകോത്തര നിലവാരത്തിലുള്ള  ആർട്ടിസ്റ്റുകളെയാണ്  ബഹ്‌റൈൻ കേരള സമാജം കലാപ്രേമികൾക്കായി അവതരിപ്പിക്കുന്നതെന്നും ഫെസ്റ്റിവലിന്റെ മുഖ്യ സംഘാടകനും സംവിധാനവുംസൂര്യ കൃഷ്ണമൂർത്തിയാണ് എന്നും പി വി രാധാകൃഷ്ണപിള്ള പറഞ്ഞു.

ഉദ്ഘാടന ദിവസമായ മെയ് മൂന്നാം തീയതി പ്രമുഖ ഇന്ത്യൻ ഹിന്ദുസ്ഥാനി ഗായിക കൗശികി ചക്രബ ർത്തിയുടെയും സംഘത്തിൻ്റെയും സെമിക്ലാസിക്കൽ ഫ്യൂഷൻ പ്രകടനമായ സഖി അരങ്ങേറും.  ഇന്ത്യയിലെ ആദ്യത്തെ സമ്പൂർണ വനിതാ ക്ലാസിക്കൽ ബാൻഡായി അറിയപ്പെടുന്നു.

മെയ് 4: പ്രശസ്‌തനായ ഭരതനാട്യം കലാകാരൻ പാർശ്വനാഥ് ഉപാധ്യേയ്‌ക്കൊപ്പം, ആദരണീയനായ മൃദംഗം വിദ്വാനും പത്മവിഭൂഷൺ ജേതാവുമായ ഉമയാൾപുരം കാശിവിശ്വനാഥ ശിവരാമൻ്റെ കർണാടക താളവാദ്യവും ഭരതനാട്യവും.

  മെയ് 5: സൂര്യ കൃഷ്ണമൂർത്തി സംവിധാനം ചെയ്ത "അഗ്നി 3" എന്ന സംഗീത സ്റ്റേജ് ഷോ.

- മെയ് 6: പ്രതിഭാധനനായ ബഹ്‌റൈൻ കലാകാരനായ ഫൈസൽ അൽ കൂഹി ജിയുടെ അറബിക് ഇൻസ്ട്രുമെൻ്റൽ, വോക്കൽ പ്രകടനം.

- മെയ് 7: അച്ഛൻ-മകൾ ജോഡികളായ പി ഉണ്ണികൃഷ്ണനും ഉത്തര ഉണ്ണികൃഷ്ണനും ചേർന്ന് നടത്തുന്ന കർണാടക ക്ലാസിക്കൽ, സെമി ക്ലാസിക്കൽ സംഗീത നിശ

- മെയ് 8: പ്രശസ്ത വിജയ് യേശുദാസിൻ്റെ സെമി-ക്ലാസിക്കൽ/കർണാട്ടിക് കച്ചേരി.

- മെയ് 9: മോഹിനിയാട്ടത്തിൽ വിദ്യാ പ്രദീപും അനിതയും, ഭരതനാട്യത്തിൽ പ്രിയദർശിനി ഗോവിന്ദും വിദ്യാ സുബ്രഹ്മണ്യനും അവതരിപ്പിക്കുന്ന വിശിഷ്ടമായ ഡാൻസ് ഫ്യൂഷൻ.
- മെയ് 10: വിദ്വാൻ ഡോ. എൽ സുബ്രഹ്മണ്യത്തിൻ്റെ കർണാടക ക്ലാസിക്കൽ വയലിൻ പാരായണം എന്നി പരിപാടികളാണ്  ഇൻഡോ ബഹറിൻ ഫെസ്റ്റിവലിന്റെ ഭാഗമായി അരങ്ങേറുക.

ലോകോത്തര നിലവാരത്തിൽ സംഘടിപ്പിക്കുന്ന പരിപാടികൾ ആസ്വദിക്കാൻ എല്ലാവർക്കും അവസരങ്ങൾ ഉണ്ടായിരിക്കുമെന്നും എല്ലാവരും പരിപാടിയുടെ ദിവസങ്ങളിൽ കൃത്യം 7.30 ക്കു തന്നെ എത്തിച്ചേരണമെന്നും ഈ കലാമാമങ്കത്തെ  ബഹറിൻ കേരളീയ സമാജം പി വി രാധാകൃഷ്ണപിള്ളയും    വർഗീസ് കാരക്കലുംസമാജം പത്രക്കുറിപ്പിൽ അഭ്യർത്ഥിച്ചു

മനാമ: ബഹ്‌റൈൻ കേരളീയ സമാജം ചാരിറ്റി കമ്മിറ്റിയുടെ ആഭിമുഖ്യത്തിൽ മെയ് ദിനാഘോഷത്തിന്റെ ഭാഗമായി അസ്‌ക്കറിലെ ലേബർ ക്യാമ്പ് സന്ദർശിക്കുകയും തൊഴിലാളികൾക്ക് ഉച്ച ഭക്ഷണം വിതരണം ചെയ്യുകയും ചെയ്തു.

കേരള നിയമസഭാ സ്പീക്കർ എൻ. എം. ഷംഷീർ, റാന്നി  എംഎൽഎ പ്രമോദ് നാരായണൻ, ബഹ്‌റൈൻ കേരളീയ സമാജം പ്രസിഡണ്ട് പി. വി. രാധാകൃഷ്ണ പിള്ള, ജനറൽ സെക്രട്ടറി വർഗീസ് കാരക്കൽ, വൈസ് പ്രസിഡണ്ട് ദിലീഷ് കുമാർ, ഭരണസമിതി അംഗങ്ങളായ മഹേഷ് പിള്ള, റിയാസ് ഇബ്രാഹിം എന്നിവർ പങ്കെടുത്തു.

സമാജം ചാരിറ്റി കമ്മിറ്റി കൺവീനർ കെ. ടി. സലിം, നോർക്ക ഹെൽപ്പ് ഡസ്‌ക്ക് കൺവീനർ വർഗീസ് ജോർജ്,  ഫൈസൽ പാട്ടാണ്ടി, അനിൽകുമാർ ... .. എന്നിവർ നേതൃത്വം നൽകി.

ബഹ്‌റൈൻ കേരളീയ സമാജത്തിൽ കഴിഞ്ഞ ഒരു മാസത്തോളമായി നടന്നുവരുന്ന ദേവ്ജി-ബികെഎസ് ജിസിസി കലോത്സവം 2024 ന്റെ ഫിനാലെ തിയ്യതി പ്രഖ്യാപിച്ചു.  മെയ് 1 ന് BKS ഡയമണ്ട് ജൂബിലി ഹാളിൽ വച്ച് വൈകുന്നേരം 5:00 മണിക്ക് ആരംഭിക്കുന്ന ഗ്രാൻഡ് ഫിനാലെ ചടങ്ങിൽ ബഹുമാനപ്പെട്ട കേരള നിയമസഭാ സ്പീക്കർ എ എൻ ഷംസീർ മുഖ്യാതിഥിയായിരിക്കും. കേരള നിയമസഭാംഗം പ്രമോദ് നാരായണൻ, ദേവ്ജി ഗ്രൂപ്പ് ഓഫ് കമ്പനീസ് ജോയിൻ്റ് മാനേജിംഗ് ഡയറക്ടർ ജയദീപ് ഭരത്ജി എന്നിവർ മറ്റു അതിഥികളായിരിക്കും. തിരഞ്ഞെടുത്ത ഗ്രൂപ്പ്  ഇനങ്ങളിൽ ജേതാക്കളാകുന്ന ടീമുകളുടെ നൃത്തനൃത്യങ്ങൾ, സംഘഗാനം മറ്റു കലാപരിപാടികൾ എന്നിവ പരിപാടി

വർണ്ണാഭമാക്കും. വ്യക്തിഗത, ഗ്രൂപ്പ് മതസരങ്ങളുടെ സമ്മാനദാനങ്ങൾക്ക് പുറമെ ഏറ്റവും കൂടുതൽ പോയിന്റുകൾ കരസ്ഥമാക്കുന്ന കുട്ടികൾക്കുള്ള കലാതിലകം, കലാപ്രതിഭ, ബാലതിലകം, ബാലതിലകം, ഗ്രൂപ്പ് ചാമ്പ്യൻഷിപ്പുകൾ, പ്രത്യേക ഗ്രൂപ്പ് ചാമ്പ്യൻഷിപ്പുകൾ, നാട്യരത്‌ന, സംഗീത രത്‌ന, സാഹിത്യ രത്‌ന, കലാ രത്‌ന തുടങ്ങി എല്ലാ ടൈറ്റിൽ അവാർഡുകളും അന്നേ ദിവസം സമ്മാനിക്കും.

രണ്ടു പതിറ്റാണ്ടുകൾക്കേറെയായി സമാജത്തിന്റെ വാർഷിക കലണ്ടറിലെ മുഖ്യ പരിപാടിയായി തുടരുന്ന ബാലകലോത്സവം രണ്ടു വര്ഷങ്ങള്ക്കു മുൻപാണ്  ജിസിസി കലോത്സവം എന്ന പുതിയ പേര് സ്വീകരിച്ചത്. കുട്ടികളുടെ സർഗ്ഗവാസനകളെ പ്രോത്സാഹിപ്പിക്കാനായി വയസ്സിനനുസരിച്ചു വ്യത്യസ്ത വിഭാഗങ്ങളിലായി 135-ലധികം വ്യക്തിഗത ഇനങ്ങളും പതിനഞ്ച് ഗ്രൂപ്പ് ഇനങ്ങളും ആണ് ഇത്തവണത്തെ കലോത്‌സവത്തിന്റെ ഭാഗമായി ഉൾപ്പെടുത്തിയിരുന്നത്. ജി.സി.സി. യിലെ തന്നെ കുട്ടികളുടെ ഏറ്റവും വലിയ കലാമാമാങ്കം എന്ന് ഇതിനോടകം പേരുസമ്പാദിച്ച കലോത്സവം മാർച്‌  അവസാന വാരത്തിലാണ് ആരംഭിച്ചത്. ഇതിനോടകം തന്നെ വ്യക്തിഗത ഇനങ്ങളിലെ മത്സരങ്ങൾ പൂർത്തിയാക്കി ഗ്രൂപ്പ് ഇനങ്ങളിലെ കടന്ന മത്സരങ്ങൾ ഈ മാസം 27 ന് അവസാനിക്കുന്ന വിധത്തിലാണ് സംവിധാനം ചെയ്യപ്പെട്ടിരിക്കുന്നത്.  ഒരു മാസത്തോളം നീണ്ടുനിന്ന മത്സരപരിപാടികളുടെ ഔദ്യോഗിക പര്യവസാനമായിരിക്കും മെയ് ഒന്നിന് നടക്കുന്ന പരിപ്പാടിയിൽ നടക്കുക.

കലോത്സവം കൺവീനർ നൗഷാദ് ചേരിയിലിന്റെ  നേതൃത്വത്തിൽ നൂറിലധികം വളണ്ടിയർമാരുടെ അക്ഷീണ പ്രയത്നങ്ങളാണ് ഈ വർഷത്തെ കയറ്‌സവത്തിന്റെ മാറ്റ് കൂട്ടിയത്. ബഹ്‌റൈനിൽ നിന്നുള്ള വിദഗ്ധരായ വിധികർത്താക്കളോടൊപ്പം ശാസ്ത്രീയ നൃത്തത്തിലും സംഗീതത്തിലും പ്രാവീണ്യമുള്ള, ഇന്ത്യയിൽ നിന്ന് എത്തിച്ചേർന്ന ആറ് വിദഗ്ധ വിധികർത്താക്കളുടെ സാന്നിധ്യം വിധി നിർണ്ണയം കുറ്റമറ്റതാക്കാൻ ഉപകരിച്ചു. ഭരതനാട്യം, കുച്ചിപ്പുടി തുടങ്ങിയ ക്ലാസിക്കൽ നൃത്തരൂപങ്ങളിൽ വിദ്യാർത്ഥികൾ പ്രദർശിപ്പിച്ച പ്രാവീണ്യം വിധികർത്താക്കളെ അമ്പരപ്പിക്കുകയും അവരുടെ പ്രത്യേക പ്രശംസ ഏറ്റുവാങ്ങുകയും ചെയ്തു. ഏഷ്യൻ ഭൂഖണ്ഡത്തിലെ തന്നെ ഏറ്റവും വലിയ കലോത്സവം എന്ന് അറിയപ്പെടുന്ന കേരളത്തിലെ സംസ്ഥാന യുവജനോത്സവത്തിനോട് കിടപിടിക്കുന്ന പ്രകടനങ്ങളാണ് ബഹ്‌റൈനിലെ പ്രവാസി കുട്ടികൾ

പുറത്തെടുത്തതെന്നു അവർ അഭിപ്രായപ്പെട്ടു.

വ്യക്തിഗത മതസരങ്ങൾ ഇന്ത്യൻ വംശജരായ കുട്ടികൾക്ക് മാത്രമായി പരിമിതപ്പെടുത്തിയിരുന്നെങ്കിലും, ഗ്രൂപ്പ് മത്സരങ്ങൾ ഏവർക്കുമായി തുറന്നുകൊടുത്തിരുന്നു. പന്ത്രണ്ടിൽ അധികം സ്‌കൂളുകളിൽ നിന്നുള്ള 700-ലധികം വിദ്യാർത്ഥികൾ കലോത്സവത്തിന്റെ ഭാഗമായത് കലോത്സവത്തിന്റെ മികച്ച വിജയത്തെ അടയാളപ്പെടുത്തുന്നതായി കരുതുന്നു.

കലോത്സവത്തോടുള്ള സമർപ്പണത്തിനും പ്രതിബദ്ധതയ്ക്കും ബഹ്‌റൈൻ കേരളീയ സമാജം എല്ലാ വിദ്യാര്ഥികളോടും അവരെ ഒരുക്കിയ  കുടുംബാംഗങ്ങളോടും അധ്യാപകരോടും ഹൃദയം നിറഞ്ഞ അഭിനന്ദനങ്ങൾ അറിയിക്കുന്നു. ദേവ്ജി-ബികെഎസ് ജിസിസി കലോത്സവം 2024 ഫിനാലെ ആഘോഷങ്ങളിൽ പങ്കുചേരാൻ BKS എക്‌സിക്യൂട്ടീവ് കമ്മിറ്റിയുടെ പേരിൽ  ഏവരേയും സ്‌നേഹപൂർവം ക്ഷണിക്കുന്നു.

കൂടുതൽ വിവരങ്ങൾക്ക്, ദേവ്ജി-ബികെഎസ് ജിസിസി കലോത്സവം 2024 ജനറൽ കൺവീനർ, ശ്രീ. നൗഷാദ് ചേരിയിലിനെ 39777801 എന്ന നമ്പറിൽ ബന്ധപ്പെടാവുന്നതാണ്.

േരളീയ സമാജം ദേവ്ജി കലോത്സവം ആരംഭിച്ചു. ചിത്രകല മത്സരങ്ങളോടെ ആരംഭിച്ച കലാപരിപാടികൾ ദേവ്ജി ഗ്രൂപ്പ്‌ ജോയിന്റ് ഡയറക്ടർ ജയദീപ് ഭാരത് ജി ഉദ്ഘാടനം ചെയ്തു. മുഖ്യഥിതിയായി അഡ്വാ. എ ജയശങ്കർ പങ്കെടുത്ത പരിപാടിയിൽ സമാജം പ്രസിഡന്റ്‌ പി വി രാധാകൃഷ്ണ പിള്ള, വർഗീസ് കാരക്കൽ, ബാല കലോത്സവം ജനറൽ കൺവീനർ നൗഷാദ് മുഹമ്മദ്‌,ജോയിന്റ് കൺവീനർ രേണു ഉണ്ണികൃഷ്ണൻ, ബിറ്റോ തുടങ്ങിയവർ പങ്കെടുത്തു.

രാഷ്ട്രീയ- പ്രത്യയശാസ്ത്രപരമോ, മതപരമോ,
പ്രാദേശികമോ ആയ ചിന്തകൾക്ക് അതീതമായി വിവിധങ്ങളായ വിശ്വാസ ചിന്താധാരകളെ കൂട്ടിയിണക്കുന്ന  ബഹുസ്വരതയുടെ ശബ്ദമാണ് ബഹ്റൈൻ കേരളീയ സമാജം എന്ന്  രാഷ്ട്രീയ നിരീക്ഷകനും അഭിഭാഷകനുമായ അഡ്വ.എ.ജയശങ്കർ അഭിപ്രായപ്പെട്ടു.
വളരുന്തോറും പിളരുന്ന നാട്ടിലെയും മറുനാട്ടിലെയും ഇതര സംഘടകളിൽ നിന്ന് വിഭിന്നമായി,
സമാനതകളില്ലാത്ത വിധം മാതൃകാപരമായ കൂട്ടായ പ്രവർത്തനങ്ങൾ നടത്താൻ സമാജത്തിന് കഴിയുന്നത് അതുകൊണ്ടാണെന്നും അദ്ദേഹം പറഞ്ഞു.

ബഹ്റൈൻ കേരളീയ സമാജം  2024- 26  പ്രവർത്തന വർഷത്തെ ഭരണ സമതിയുടെ ഉദ്ഘാടനം ചെയ്തു സംസാരിക്കുകയായിരുന്നു അഡ്വ.ജയശങ്കർ.
ബഹ്റൈനിലെ ഇതര സാംസ്കാരിക സംഘടനകളുടെയും സ്ഥാപനങ്ങളുടെയും പ്രതിനിധികളും സമാജം അംഗങ്ങളുമടക്കം ആയിരക്കണക്കിനാളുകൾ ഉദ്ഘാടന ചടങ്ങിനു സാക്ഷികളായി.

സമാജം പ്രസിഡൻ്റ് പി.വി.രാധാകൃഷ്ണപിള്ള അധ്യക്ഷത വഹിക്കുകയും ജനറൽ സെക്രട്ടറി സ്വാഗതം ആശംസിക്കുകയും ചെയ്ത ഉദ്ഘാടന സമ്മേളനത്തിൽ ദേവദാസ് കുന്നത്ത് കൃതജ്ഞതയും രേഖപ്പെടുത്തി.
സ്ഥാനമൊഴിഞ്ഞ അംഗങ്ങളെ പുതിയ ഭരണസമിതി അംഗങ്ങൾ ഉപഹാരം നൽകി ആദരിച്ചു.
കഴിഞ്ഞയാഴ്ച നടന്ന വാർഷിക ജനറൽബോഡിയിലാണ് പുതിയ ഭാരവാഹികളെ തെരഞ്ഞെടുത്തത്.
പി വി രാധാകൃഷ്ണപിള്ള( പ്രസിഡന്റ്), ദിലീഷ് കുമാർ( വൈസ് പ്രസിഡന്റ്), വർഗീസ് കാരക്കൽ (ജനറൽ സെക്രട്ടറി) , മഹേഷ് (അസിസ്റ്റന്റ് സെക്രട്ടറി), ദേവദാസ് കുന്നത്ത് (ട്രഷറർ) , റിയാസ്  (എന്റർടൈൻമെന്റ് സെക്രട്ടറി),, വിനോദ് അളിയത്ത് (മെമ്പർഷിപ് സെക്രട്ടറി)
 വിനയചന്ദ്രൻ ആർ നായർ (സാഹിത്യ വിഭാഗ സെക്രട്ടറി, നൗഷാദ് (ഇൻഡോർ ഗെയിംസ് സെക്രട്ടറി) , വിനോദ്.പി ജോൺ (ലൈബ്രേറിയൻ),പോൾസൺ ലോനപ്പൻ (ഇന്റേണൽ ഓഡിറ്റർ). എന്നിവരാണ് പുതിയ ഭരണസമിതി അംഗങ്ങളായി സ്ഥാനമേറ്റത്.
ഉദ്ഘാടനത്തിൻ്റെ ഭാഗമായി ബഹ്റൈനിലെ പ്രമുഖ നൃത്താധ്യാപകരുടെ ശിക്ഷണത്തിൽ നൃത്തസമന്വയവും അരങ്ങേറി.

ബഹ്റൈൻ കേരളീയ സമാജം മലയാളം പാഠശാലയുടെ 2024-25 അധ്യയന വർഷത്തെ തുടക്കക്ലാസ്സുകളിലേക്കുള്ള പ്രവേശനം മാർച്ച് 23, 24 തീയതികളിൽ നടക്കും.

2024 ജനുവരി 1 ന് അഞ്ച് വയസ്സ് പൂർത്തിയായ കുട്ടികൾക്ക് അഡ്മിഷനു വേണ്ടി അപേക്ഷിക്കാമെന്ന്  ഭാരവാഹികൾ അറിയിച്ചു.
https://www.bksbahrain.com/2024/padasala/registration.html എന്ന ലിങ്ക് വഴി രജിസ്റ്റർ ചെയ്ത ശേഷം നിർദ്ദിഷ്ട തീയതികളിലൊന്നിൽ സമാജത്തിൽ എത്തി അഡ്മിഷൻ എടുക്കാം.

കേരള സംസ്ഥാന സാംസ്കാരിക വകുപ്പിനു കീഴിൽ പ്രവർത്തിക്കുന്ന മലയാളം മിഷൻ്റെ ഇന്ത്യയ്ക്ക് പുറത്തെ ആദ്യ പഠനകേന്ദ്രമായ ബഹ്റൈൻ കേരളീയ സമാജം പാഠശാലയിൽ ആയിരത്തിലധികം കുട്ടികളാണ് വിവിധ കോഴ്സുകളിലായി മാതൃഭാഷാ പഠനം നടത്തുന്നത്‌. പുതുതായി എത്തുന്ന കുട്ടികൾക്ക് എല്ലാ ചൊവ്വാഴ്ചകളിലും വൈകുന്നേരം 7.30 മുതൽ 9 മണി വരെയാണ് ക്ലാസ്സ്.
അഡ്മിഷൻ സംബന്ധിച്ച കൂടുതൽ വിവരക്കൾക്ക് 36045442,38044694,39215128,39498114