Bahrain Keraleeya Samajam Announces the Second BKS Open Junior & Senior Badminton Tournament 2025

Bahrain, October 2025 – Bahrain Keraleeya Samajam (BKS) is proud to announce the Second BKS Open Junior & Senior Badminton Tournament, scheduled to take place from 18th to 26th October 2025 at the BKS Indoor Stadium.

The tournament aims to bring together talented badminton players from across the community, promoting sportsmanship, competition, and unity. Players will compete across multiple categories, providing an exciting platform for both juniors and seniors to showcase their skills.

Registration is now open and will close on 10th October 2025.
Interested participants can register through the official link:
tournamentsoftware.com/tournament/36F5D53A-4A31-4795-83D6-F6A98AEC90E1

For further details, please contact:

Mr. Noushad Mohammed, Indoor Games Secretary ‪+973 3977 7801‬
Mr. Paulson Lonappan, Tournament Director‪+973 3916 5761‬
Mr. James Joseph, General Convener ‪+973 3307 8662

രണ്ടാമത് ബി.കെ.എസ് ഓപ്പൺ ജൂനിയർ & സീനിയർ ബാഡ്മിന്റൺ ടൂർണമെൻ്റിന് 18 ന് തുടക്കം

In anticipation of Bahrain's 54^th  National Day, the Bahrain Kerala Samajam, one of the oldest and largest expatriate clubs on the island, is set to pay a grand tribute through a spectacular painting competition. The event, scheduled for December 16th, will take place at the club premises in Segaya.

CLICK TO REGISTER

 ബഹ്‌റൈന്റെ 54-ാമത് ദേശീയ ദിനാഘോഷത്തിനോടനുബന്ധിച്ചു ബഹ്‌റൈൻ കേരളീയ സമാജം 'ഇലസ്‌ട്ര 2025' എന്ന പേരിൽ മെഗാ ചിത്രകലാ മത്സരം സംഘടിപ്പിക്കുന്നു. 2025 ഡിസംബർ 16-ന് സമാജം ഡയമണ്ട് ജൂബിലി ഹാളിൽ വെച്ചാണ് മത്സരം നടക്കുക .
​ 3 വയസ്സുമുതൽ 17 വയസ്സുവരെയുള്ള കുട്ടികൾക്കായി അഞ്ച് ഗ്രൂപ്പുകളായാണ് മത്സരം ഒരുക്കിയിരിക്കുന്നത്.
2025 ഡിസംബർ 10 അടിസ്ഥാനമാക്കി
3-5 വയസ്സുവരെ ഉള്ള കുട്ടികൾ ഗ്രൂപ്പ് ഒന്ന്
6-8 വയസ്സുവരെയുള്ള കുട്ടികൾ ഗ്രൂപ്പ് രണ്ട്
9-11 വയസ്സുവരെയുള്ള കുട്ടികൾ ഗ്രൂപ്പ് മൂന്ന്
12-14 വയസ്സുവരെയുള്ള കുട്ടികൾ ഗ്രൂപ്പ് നാല്
15-17 വയസ്സുവരെയുള്ള കുട്ടികൾ ഗ്രൂപ്പ് അഞ്ച്
എന്നിങ്ങനെയാണ് തിരിച്ചിരിക്കുന്നത്.
1-2 ഗ്രൂപ്പിലുള്ളവർക്ക് ഒരു മണിക്കൂർ.
ഗ്രൂപ്പ് മൂന്നിൽ ഉള്ളവർക്ക് ഒന്നര മണിക്കൂർ,
4-5 ഗ്രൂപ്പിൽ ഉള്ളവർക്ക് രണ്ടു മണിക്കൂർ വരെ സമയമാണ് അനുവദിച്ചിരിക്കുന്നത്.
3-5 ഗ്രൂപ്പിൽ ഉള്ളവർക്ക് ചിത്ര രചനാ വിഷയം മത്സരം തുടങ്ങുന്നതിനു മുമ്പ് നൽകുന്നതാണ്.
1-2 ഗ്രൂപ്പിലുള്ളവർ രാവിലെ പത്തരക്കും
3-5 ഗ്രൂപ്പിലുള്ളവർ രാവിലെ എട്ടരക്കും റിപ്പോർട്ട് ചെയ്യേണ്ടതാണ്.

​ ​വിജയികൾക്ക് ക്യാഷ് പ്രൈസ് ഉൾപ്പെടെ ട്രോഫികളും സർട്ടിഫിക്കറ്റുകളും ലഭിക്കും. കൂടാതെ തിരഞ്ഞെടുത്ത മികച്ച ചിത്രങ്ങൾക്ക് പ്രോത്സാഹന സമ്മാനങ്ങളും നൽകുന്നതാണ്.

ദേശീയദിന ആഘോഷം വർണ്ണാഭമാക്കുന്നതിന്
ചിത്രകലാ പ്രേമികളായ എല്ലാവരെയും സ്വാഗതം ചെയ്യുന്നതായി സമാജം പ്രസിഡൻറ് പി വി രാധാകൃഷ്ണപിള്ള,
ജനറൽ സെക്രട്ടറി വർഗീസ് കാരയ്ക്കൽ,
കലാ വിഭാഗം സെക്രട്ടറി
നിയാസ് ഇബ്രാഹിം
എന്നിവർ വാർത്താക്കുറുപ്പിൽ അറിയിച്ചു.
​കൂടുതൽ വിവരങ്ങൾക്കും രജിസ്‌ട്രേഷനും വേണ്ടി ജനറൽ കൺവീനർ ബിനു വേലിയിൽ (3944 0530), ജോയിന്റ് കൺവീനർമാർ ആയ ജയരാജ് ശിവദാസൻ (3926 1081), റാണി രഞ്ജിത്ത് (3962 9148), രജിസ്‌ട്രേഷൻ കൺവീനർ രേണു ഉണ്ണികൃഷ്ണൻ (3836 0489) എന്നിവരുമായി ബന്ധപ്പെടാവുന്നതാണ്.
മത്സരത്തിൽ പങ്കെടുക്കുന്നതിനായി താഴെ പറയുന്ന ലിങ്കിൽ രജിസ്റ്റർ ചെയ്യാവുന്നതാണ് . https://bksbahrain.com/2025/illustra/register.html

ബഹ്‌റൈൻ കേരളീയ സമാജം നവരാത്രി ആഘോഷങ്ങൾക്ക് ഇന്ന് തുടക്കം; വിദ്യാധരൻ മാസ്റ്റർക്ക്  ബി. കെ. എസ് കലാകേന്ദ്ര ലൈഫ് ടൈം അച്ചീവ്‌മെന്റ് അവാർഡ്

മനാമ: ബഹ്‌റൈൻ കേരളീയ സമാജത്തിന്റെ ഈ വർഷത്തെ നവരാത്രി ആഘോഷങ്ങൾക്ക് ഇന്ന് 30 സെപ്റ്റംബർ ചൊവ്വാഴ്ച 8 മണിക്ക് തുടക്കമാകും. മൂന്നു ദിവസത്തെ ആഘോഷപരിപാടികൾ വിപുലമായി സംഘടിപ്പിച്ചിട്ടുണ്ടെന്ന് സമാജം പ്രസിഡന്റ് പി.വി. രാധാകൃഷ്ണപിള്ളയും ജനറൽ സെക്രട്ടറി വർഗ്ഗീസ് കാരക്കലും അറിയിച്ചു.
ബഹ്‌റൈനിലെ പ്രമുഖ നൃത്താധ്യാപകരുടെയും സംഗീത അധ്യാപകരുടെയും നേതൃത്വത്തിൽ വിദ്യാർഥികൾ അവതരിപ്പിക്കുന്ന നൃത്ത സംഗീത അർച്ചനയോടെ നവരാത്രി ആഘോഷങ്ങൾക്ക് തുടക്കമാകും.

നവരാത്രി ആഘോഷങ്ങളോടനുബന്ധിച്ച് സമാജം ഏർപ്പെടുത്തിയ "ബി.കെ.എസ്. കലാകേന്ദ്ര ലൈഫ് ടൈം അച്ചീവ്‌മെന്റ് അവാർഡ്" സമർപ്പണം രണ്ടാം ദിനമായ ബുധനാഴ്ച 1 ഒക്ടോബർ വൈകിട്ട് 8 മണിക്ക് നടക്കും. മലയാള സംഗീത ശാഖയ്ക്ക് നൽകിയ സമഗ്ര സംഭാവനകളെ മാനിച്ച് പ്രശസ്ത സംഗീത സംവിധായകനും അഭിനേതാവുമായ വിദ്യാധരൻ മാസ്റ്റർക്കാണ് പുരസ്‌കാരം നൽകുന്നത്. ബുധനാഴ്ച രാത്രി എട്ടുമണിക്ക് സമാജം ഡയമണ്ട് ജൂബിലി ഹാളിൽ നടക്കുന്ന ചടങ്ങിൽ പുരസ്‌കാര സമർപ്പണത്തോടൊപ്പം വിദ്യാധരൻ മാസ്റ്റർ ഈണം നൽകിയ ഗാനങ്ങൾകോർത്തിണക്കിയ സംഗീത നിശയും അരങ്ങേറും. ചടങ്ങിൽ കേരള ഹൈക്കോടതി ജസ്റ്റിസ് ദേവൻ രാമചന്ദ്രൻ, സാംസ്കാരിക വകുപ്പ് സെക്രട്ടറി ഡോ. ദിവ്യ എസ്. അയ്യർ, കെ. ശബരീനാഥ് എന്നിവർ മുഖ്യാതിഥികളായി പങ്കെടുക്കും.

വിജയദശമി ദിനമായ ഒക്ടോബർ 2 വ്യാഴാഴ്ച പുലർച്ചെ 5 മണിമുതൽ വിദ്യാരംഭ ചടങ്ങുകൾ ആരംഭിക്കും. മുഖ്യാതിഥി ഡോ. ദിവ്യ.എസ്. അയ്യർ കുരുന്നുകൾക്ക് ആദ്യാക്ഷരം കുറിക്കും.  കൂടുതൽ വിവരങ്ങൾക്ക്  റിയാസ് ഇബ്രാഹിം :33189894, വിനയചന്ദ്രൻ നായർ :39215128

--

ബഹ്റൈൻ കേരളീയ സമാജം ഓണാഘോഷങ്ങളുടെ സമാപന സമ്മേളനവും നവരാത്രി ആഘോഷവും സംഘടിപ്പിച്ചു.

കഴിഞ്ഞ ഒന്നരമാസക്കാലത്തോളം ബഹ്റൈൻ പ്രവാസി മലയാളികളുടെ
വൈവിധ്യമേറിയ ഓണാഘോഷങ്ങൾക്ക്
സമാപനം കുറിച്ചുക്കൊണ്ടും നവരാത്രി ആഘോഷങ്ങളുടെ ഭാഗമായും സംഘടിപ്പിച്ച സമാപന സമ്മേളനത്തിൽ മുഖ്യാതിഥിയായി ബഹുമാനപ്പെട്ട കേരള ഹൈക്കോടതി ജഡ്ജി ദേവൻ രാമചന്ദ്രൻ, സാംസ്കാരിക വകുപ്പ് സെക്രട്ടറിയും വിഴിഞ്ഞം തുറമുഖത്തിന്റെ എംഡിയുമായ ഡോ: ദിവ്യ എസ് അയ്യർ, കേരളത്തിലെ പ്രമുഖ രാഷ്ട്രീയ നേതാവും മുൻ എംഎൽഎയുമായ കെ എസ് ശബരിനാഥ്, മലയാളത്തിലെ പ്രമുഖ സംഗീത സംവിധായകൻ വിദ്യാധരൻ മാസ്റ്റർ എന്നിവർ പങ്കെടുത്തു.

കേരളം മറന്നുപോയ പല കലാരൂപങ്ങളെയും ആഘോഷ രീതികളെയും ബഹ്‌റൈൻ കേരളീയ സമാജം ഭംഗിയായി പുനരാവിഷ്കരിക്കുകയും നിലനിർത്തുകയും ചെയ്യുന്നതിൽ വലിയ സന്തോഷമുണ്ടെന്നും ജസ്റ്റിസ് ദേവൻ രാമചന്ദ്രൻ അഭിപ്രായപ്പെട്ടു.

 ആഘോഷങ്ങളിലൂടെ വ്യക്തികളും സമൂഹവും മുന്നോട്ടുള്ള പുതിയ ഊർജ്ജം സ്വീകരിക്കുകയാണെന്നും  ഡോ:ദിവ്യ എസ് അയ്യർ പറഞ്ഞു.

 മറുനാട്ടിലെ ഏറ്റവും സുരക്ഷിതവും കുടുംബാന്തരീക്ഷവും ഉള്ള പ്രസ്ഥാനമായി തനിക്ക് ബഹ്റൈൻ കേരള സമാജത്തെ എക്കാലവും അനുഭവപ്പെട്ടതായും ബഹ്റൈൻ കേരളീയ സമാജം ചെയ്യുന്ന പല സേവനങ്ങളെ അടുത്തുനിന്ന് വീക്ഷിക്കാൻ സാധിച്ചതായും മുൻ എംഎൽഎ മുൻ എംഎൽഎ കെ എസ് ശബരിനാഥ് അഭിപ്രായപ്പെട്ടു.

 വിശിഷ്ടാതിഥികളുടെ സാന്നിധ്യം കൊണ്ടും സംഗീതാസ്വാദകരായ കാണികൾ കൊണ്ടും സമ്പന്നമായ നവരാത്രി ആഘോഷങ്ങളിൽ വെച്ച് മലയാളികളുടെ പ്രിയപ്പെട്ട സംഗീത സംവിധായകനായ വിദ്യാധരൻ മാസ്റ്റർക്ക്
 ബി കെ എസ് കലാകേന്ദ്ര ലൈഫ് ടൈം അച്ചീവ്മെന്റ് അവാർഡ് സമ്മാനിക്കാൻ സാധിച്ചതിൽ വലിയ സന്തോഷമുണ്ടെന്നും വിദ്യാധരൻ മാസ്റ്ററുടെ പാട്ടുകൾ അതിന്റെ മൗലികമായ സവിശേഷതകൾ കൊണ്ട് എക്കാലത്തും മലയാളികളുടെ പ്രിയപ്പെട്ട ഗാനങ്ങൾ ആയി തുടരുമെന്ന്
 അധ്യക്ഷ പ്രസംഗത്തിൽ പി വി രാധാകൃഷ്ണപിള്ള അഭിപ്രായപ്പെട്ടു.

കലയും സംഗീതവും മനുഷ്യരെ ഒരുമിപ്പിക്കുന്നുവെന്നും ബഹ്റൈൻ കേരള സമാജത്തിന്റെ ഈ അവാർഡ് വളരെ പ്രിയപ്പെട്ടതാണെന്നും വിദ്യാധരൻ മാസ്റ്റർ മറുപടി പ്രസംഗത്തിൽ പറഞ്ഞു.

 സമാജം ജനറൽ സെക്രട്ടറി വർഗീസ് കാരക്കൽ സ്വാഗതവും ബഹ്റൈനിലെ പ്രമുഖ കലാ പരിശീലന കേന്ദ്രമായ കലാകേന്ദ്രയുടെ ഡയറക്ടർ സിൽഷ റിലിഷ്, ശ്രാവണം ഓണാഘോഷങ്ങളുടെ കൺവീനർ വർഗീസ് ജോർജ് എന്നിവർ വേദിയിൽ സന്നിഹിതരായിരുന്നു.

 അവാർഡ് ദാന ചടങ്ങുകൾക്ക് ശേഷം വിദ്യാധരൻ മാസ്റ്ററുടെ ഗാനങ്ങൾ അവതരിപ്പിക്കുന്ന ഗാനമേളയും ഉണ്ടായിരുന്നു