ബഹറൈൻ കേരളീയ സമാജം ഓണാഘോഷമായ ശ്രാവണം 2025 ഭാഗമായി ഈ വർഷവും ഓണാഘോഷം വൈവിധ്യമാർന്ന കലാസാംസ്കാരിക പരിപാടികൾ കൊണ്ട് ശ്രദ്ധേയമായിരിക്കുമെന്ന്  സമാജം പ്രസിഡന്റ് പിവി രാധാകൃഷ്ണപിള്ള, ജനറൽ സെക്രട്ടറി വർഗ്ഗീസ് കാരക്കൽ,  ശ്രാവണം ഓണാഘോഷ കമ്മിറ്റി ജനറൽ കൺവീനർ വർഗീസ് ജോർജ് എന്നിവർ പത്രസമ്മേളനത്തിൽ അറിയിച്ചു.

കേരളത്തിന്റെ സാംസ്കാരികവും കലാപരവുമായ ഓണ പൈതൃകത്തെ ഓർമ്മപ്പെടുത്തുകയും  അതേ സമയം ആധുനിക മലയാളി സമൂഹത്തിന്റെ കലാഭിരുചികളെയും സമ്മിശ്രമായി സമീപിക്കുന്ന സമീപനത്തിലൂടെ ബഹറിൻ കേരളീയ സമാജം ഓണാഘോഷങ്ങളിലൂടെ പ്രവാസി മലയാളി സമൂഹത്തിലെ പുതു തലമുറക്ക് പരിചയപ്പെടുത്താനാണ് എല്ലാകാലത്തും ശ്രമിക്കാറുള്ളതെന്നും
സമാജം പ്രസിഡണ്ട് പി വി രാധാകൃഷ്ണൻ പിള്ള പറഞ്ഞു.

 കേരളത്തിന് പുറത്ത് മലയാളികൾക്കിടയിൽ നടക്കുന്ന ഓണാഘോഷങ്ങളിലെ ഏറ്റവും വിപുലവും ദീർഘവുമായ പരിപാടികൾക്കാണ്  സമാജം നേതൃത്വം നൽകുന്നത്.

ഓണാഘോഷത്തിന്റെ ചരിത്രപരവും സാമൂഹികവുമായ പാഠങ്ങൾ കുട്ടികൾക്ക് പകർന്നു നൽകുന്ന പിള്ളേരോണം സംഘടിപ്പിച്ചുകൊണ്ട് ആരംഭിച്ച ബഹറിൻ കേരള സമാജത്തിന്റെ ശ്രാവണം ഓണാഘോഷത്തിൽ ആഗസ്റ്റ് 29ന്
 രുചി മേള സംഘടിപ്പിക്കും. കാസർകോട് മുതൽ തിരുവനന്തപുരം വരെയുള്ള വിവിധ രുചി ഭേദങ്ങളെ പരിചയപ്പെടുത്താനും ആസ്വദിക്കാനുമുള്ള മികച്ച അവസരമാ യിരിക്കും രുചി മേള.

സെപ്റ്റംബർ ഒന്നിന് ഈ വർഷത്തെ ഓണാഘോഷങ്ങളുടെ ഔദ്യോഗികമായ ഉദ്ഘാടന ചടങ്ങായ കൊടിയേറ്റം സംഘടിപ്പിക്കും. സമാജം പ്രസിഡന്റ് പി വി രാധാകൃഷ്ണപിള്ള കൊടികയറ്റി ഉൽഘാടനം നിർവഹിക്കും.

സെപ്റ്റംബർ നാലിന് ബഹറൈനിലെ പ്രമുഖ സംഘടനകളും കൂട്ടായ്മകളും പങ്കെടുക്കുന്ന വാശിയേറിയ കമ്പവലി മത്സരം.

സെപ്റ്റംബർ അഞ്ചിന് പ്രമുഖ ഗായകൻ പി ജയചന്ദ്രന്റെ അനശ്വര ഗാനങ്ങളുമായി ഗാനമേളയിൽ മലയാളത്തിലെ പ്രമുഖ പിന്നണി ഗായകരായ പന്തളം ബാലൻ, രവിശങ്കർ, പ്രമീള തുടങ്ങിയവർ പങ്കെടുക്കുന്നു.

 പി ജയചന്ദ്രന്റെ ജീവിതത്തെയും ഗാനങ്ങളെയും സ്മരിച്ചുകൊണ്ട്  മലയാളത്തിലെ ഗാനസാഹിത്യ മേഖലയിലെ പ്രമുഖ എഴുത്തുകാരൻ രവി മേനോന്റെ പ്രഭാഷണം.

സെപ്റ്റംബർ ആറിന് ഇന്ത്യയിലെ വിവിധ സംസ്ഥാനങ്ങളിൽ നിന്നുള്ള ഫോക്ക് ഡാൻസ് അവതരണങ്ങൾ.

സെപ്റ്റംബർ ഏഴിന് ഓണപുടവ മത്സരം

സെപ്റ്റംബർ എട്ടിന്  ബി കെ എസ് എന്റർടൈമെന്റ് വിഭാഗം സംഘടിപ്പിക്കുന്ന വിവിധ കലാപരിപാടികൾ.

സെപ്റ്റംബർ ഒൻപതിന്  ഓണപ്പാട്ടുമത്സരം

സെപ്റ്റംബർ പത്തിന് എന്റെ കേരളം എന്ന വിഷയത്തിൽ ക്വിസ് മത്സരം സംഘടിപ്പിക്കുന്നു.

സെപ്റ്റംബർ 11ന് ഐഡിയ സ്റ്റാർ സിംഗേഴ്സിലെ പ്രമുഖ താരങ്ങളായി മാറിയ അനുശ്രീ, നന്ദ, ബലറാം, ശ്രീരാഗ് തുടങ്ങിയ യുവ ഗായകരുടെ ഗാനമേള.

സെപ്റ്റംബർ പന്ത്രണ്ട്  രാവിലെ പൂക്കള മത്സരം സംഘടിപ്പിക്കുന്നു.
വൈകുന്നേരം മലയാളത്തിന്റെ വാനമ്പാടി കെഎസ് ചിത്ര. മധു ബാലകൃഷ്ണൻ, നിഷാദ്,അനാമിക തുടങ്ങിയവരുടെ നേതൃത്വത്തിലുള്ള ഗാനമേള.

 സെപ്റ്റംബർ പതിമുന്നിന് പായസമത്സരം തുടർന്ന് തിരുവാതിര മത്സരം.

സെപ്റ്റംബർ പതിനാലിനു ഇന്ത്യൻ ട്രഡീഷണൽ കോസ്റ്റ്യൂം  മത്സരങ്ങൾ.

സെപ്റ്റംബർ 15ന് ആരവം മരം ബാൻഡ് അവതരിപ്പിക്കുന്ന നാടൻ പാട്ടുകൾ.

സെപ്റ്റംബർ പത്തിനാറ്, പതിനേഴ്  ദിവസങ്ങളിൽ വിവിധ നടൻ കളികളുടെ അവതരണം.

സെപ്റ്റംബർ പതിനെട്ടിന് കബഡി മത്സരം

സെപ്റ്റംബർ പത്തൊൻപത്തിന്  ബാല്യക്കാലത്ത് തന്നെ വയലിൻ വായനയിൽ പ്രതിഭ തെളിയിച്ച പ്രശസ്ത വയലിനിസ്റ്റ് ഗംഗ ശശിധരന്റെ വയലിൻ അവതരണം.

സെപ്റ്റംബർ ഇരുപതിന് ബഹ്റൈനിലെ പ്രമുഖ ഡാൻസ് ടീമുകൾ തമ്മിലുള്ള സിനിമാറ്റിക് ഡാൻസ് മത്സരം.

സെപ്റ്റംബർ ഇരുപത്തിയെന്ന് മ്യൂസിക് ഫ്യൂഷൻ ഫിയസ്റ്റ.

 

സെപ്തംബര് ഇരുപത്തിരണ്ടു തരംഗ് - നൃത്ത സംഗീത പരിപാടി 

സെപ്റ്റംബർ ഇരുപത്തിയഞ്ചിന്  മ്യൂസിക് ഡാൻസ് ഡ്രാമ വിദ്യാവലി

സെപ്റ്റംബർ ഇരുപത്തിയാറിന് ആര്യദയാലും സച്ചിൻ വാര്യരും അവതരിപ്പിക്കുന്ന മ്യൂസിക്കൽ ബാൻഡ് ഷോ.

സെപ്തംബർ ഇരുപത്തിഏഴിന്  മെഗാ തിരുവാതിര അവതരണം

 

ഒക്ടോബര് ഒന്നിന്   മലയാളത്തിലെ പ്രശസ്ത സംഗീതജ്ഞനും പിന്നണി ഗായകനുമായ  ശ്രീ വിദ്യാധരൻ  മാസ്റ്ററുടെ  സംഗീത രംഗത്തെ വിപുലമായ സംഭാവനകൾ പരിഗണിച്ച്  സംഘടിപ്പിക്കുന്ന പാട്ടുകൾ -മുഘ്യ അതിഥി ജസ്റ്റിസ് ദേവൻ രാമചന്ദ്രൻ 

ഒക്ടോബർ രണ്ടിന് നടക്കുന്ന വിദ്യാരംഭ ചടങ്ങുകൾ,  മുഖ്യാതിഥി വിദ്യ അയ്യർ ഐഎഎസ് പങ്കെടുക്കും.

ഒക്ടോബർ മൂന്നിന്  പ്രമുഖ പാചക വിദഗ്ധൻ പഴയിടം മോഹനൻ നമ്പൂതിരി ഒരുക്കുന്ന അയ്യായിരത്തോളം പേർ പങ്കെടുക്കുന്ന മിഡിൽ ഈസ്റ്റിലെ ഏറ്റവും വലിയ ഓണസദ്യയും ഉണ്ടായിരിക്കുന്നതാണ്

വർഗീസ് ജോർജ് (39291940) ജനറൽ കൺവീനറും ,ഹരികൃഷ്ണൻ, നിഷാ ദിലീഷ്,രാജേഷ് കെ പി,അഭിലാഷ് വെള്ളുക്കൈ,അനിതതുളസി,രജനി മേനോൻ, സജ്‌ന നൗഷാദ് തുടങ്ങിയവർ  ജോയിൻ കൺവീനർമാരും ആയ നൂറിൽ അധികം വരുന്ന സമാജം ശ്രാവണം ഓണാഘോഷ കമ്മിറ്റിയുടെ കീഴിലാണ് പ്രവർത്തനങ്ങൾ ഏകോപിപ്പിച്ചിരിക്കുന്നത്.