• bksamajam@gmail.com

  • Call Us:(+973) 172 518 78

  • Time:Mon-Sun: 10.00-20.00

News & Events

We're here to bring you the latest updates

മനാമ: ബഹ് റൈൻ കേരളീയ സമാജം ചിൽഡ്രൻസ് വിങ്ങും ഇൻഡോർ ഗെയിംസ് വിങ്ങും സംയുക്തമായി സംഘടിപ്പിച്ച പതിനേഴ് വയസ്സിനു താഴെ പ്രായമുള്ള കുട്ടികൾക്കായുള്ള " റോൾ ദി ബാൾ " സിക്സ് ഏ സൈഡ് ഫുട് ബാൾ ടൂർണമെന്റ് വീശിയടിച്ച ജനുവരി തണുപ്പിന്  കാൽപന്ത് കളിയിലെ  പുത്തൻ വാഗ്ദാനങ്ങളുടെ ആവേശവും കരുത്തും ചെറുത്തുനിൽപ്പും ചൂട് പകർന്നു.
 
ഒൻപത് പേർ അടങ്ങുന്ന പതിനൊന്ന് ടീമുകൾ മൂന്ന് പൂളുകളിലായി മത്സരിച്ച ആദ്യ പാദത്തിൽ നിന്ന് മുന്നിലെത്തിയ നാല് ടീമുകളുടെ സെമി ഫൈനലുകളും കലാശ കളിയും ഇന്ന് വൈകിട്ട് 6 മുതൽ സമാജം ഫ്ളഡ് ലൈറ്റ് ഗ്രൗണ്ടിൽ നടക്കും. തുടർന്ന് നടക്കുന്ന ചടങ്ങിൽ വിജയികൾക്കുള്ള ട്രോഫികളും ക്യാഷ് അവാർഡുകളും വിതരണം ചെയ്യും.
 
മത്സരങ്ങളുടെ ഔപചാരികമായ ഉദ്ഘാടനം സമാജം പ്രസിഡന്റ് ശ്രീ. പി വി രാധാ കൃഷ്ണ പിള്ള നിർവഹിച്ചു. നൂറിൽപ്പരം കായിക താരങ്ങളുടെ പങ്കാളിത്തവും  കായിക രംഗത്ത് യുവ തലമുറ കാട്ടുന്ന  അർപ്പണവും ആവേശം നൽകുന്നതായും തെരഞ്ഞെടുക്കപ്പെ ടുന്നവർക്ക് വിദഗ്ദ്ധ പരിശീലനത്തിനായി പദ്ധതികൾ നടപ്പിലാക്കുമെന്നും  മികച്ച താരത്തിനും കൂടുതൽ ഗോൾ സ്‌കോർ ചെയ്യുന്ന താരത്തിനും മികച്ച ഗോളിക്കും ഒപ്പം മികച്ച ഫെയർ ടീമംഗങ്ങൾക്കും ട്രോഫികൾ നൽകുമെ ന്നും പ്രസിഡന്റ് പ്രഖ്യാപിച്ചു.    മുൻ കേരള പോലീസ് താരവും കേരളം ജൂനിയർ ടീമംഗവുമായിരുന്ന നിക്സണും മുൻ സന്തോഷ് ട്രോഫി താരവുമായിരുന്ന പാച്ചനും മത്സരങ്ങൾ നിയന്ത്രിച്ചു .
 
ചിൽഡ്രൻസ് വിങ് പേട്രൻസ് കമ്മിറ്റി കോർഡിനേറ്റർ വിനയ ചന്ദ്രൻ, കൺവീനർ ഫാത്തിമ  ഖമ്മീസ്, ഈവന്റ് കോർഡിനേറ്റർ അനിൽ സി ആർ, ടോണി പെരുമാന്നൂർ മറ്റ് അംഗങ്ങൾ ചിൽഡ്രൻസ് വിങ് കമ്മിറ്റി സെക്രട്ടറി മാളവിക സുരേഷ്,  സ്പോർട്സ് സെക്രട്ടറി റാനിയ നൗഷാദ്, അസിസ്റ്റന്റ് സ്പോർട്സ് സെക്രട്ടറി നന്ദു അജിത്, മറിയം ഖമ്മീസ്( ട്രഷറര്‍ ),ഉദിത് ഉദയന്‍( അസിസ്റ്റന്റ്‌ മെംബെര്‍ഷിപ്‌ സെക്രട്ടറി ) മറ്റ് അംഗങ്ങൾ സമാജം വൈസ് പ്രസിഡന്റ് മോഹൻ രാജ് ,ഇൻഡോർഗെയിംസ് സെക്രട്ടറി ഷാനിൽ അബ്ദുൽ റഹുമാൻ, അസിസ്റ്റന്റ് സെക്രട്ടറി ടി ജെ ഗിരീഷ് , മെമ്പർ ഷിപ് സെക്രട്ടറി ബിനു വേലിയിൽ  കലാ വിഭാഗം സെക്രട്ടറി ഹരീഷ്എ മേനോന്‍ ന്നിവർ നേതൃ ത്വം നൽകി.

'അംഗന ശ്രീ'' കലാമത്സരങ്ങൾക്ക് ദീപം തെളിഞ്ഞു

 
 
മനാമ:  ബഹ്റൈൻ കേരളീയ സമാജം വനിതാ വേദി ബഹ്റൈനിലെ വിവാഹിതരായ വനിതകൾക്കായി സംഘടിപ്പിക്കുന്ന കലാ വൈദഗ്ദ്യദ്യ മത്സര പരിപാടിയ "സെർക്കാസിക്സ് അംഗന ശ്രീയുടെ കലാ മത്സരങ്ങളുടെ ഉദ്ഘാടനം സമാജത്തിൽ നടന്നു.
സമാജം പ്രസിഡന്റ് പി.വി രാധാകൃഷ്ണണപിള്ള ഭദ്രദീപം തെളിയിച്ച് ഉദ്ഘാടന കർമ്മം നിർവ്വഹിച്ച ചടങ്ങിൽ ആക്ടിംഗ് സെക്രട്ടറി ടി.ജെ.ഗിരീഷ്, വൈസ് പ്രസിഡന്റ്  പി.എൻ.മോഹൻരാജ്, വനിതാ വേദി പ്രസിഡന്റ് മോഹിനി തോമസ്,  സെക്രട്ടറി രജിത അനി എന്നിവർ സന്നിഹിതരായിരുന്നു.
ഉദ്ഘാടനത്തോടനുബന്ധിച്ച് വനിതാ വേദി പ്രവർത്തകരും മത്സരാർത്ഥികളും മറ്റ് വനിതകളും ചേർന്ന് വേദിയിൽ അക്ഷരദീപം തെളിച്ചു.
തുടർന്ന് ലളിതഗാനം, നാടോടി നൃത്തം എന്നീ മത്സരങ്ങൾ നടന്നു.
പ്രാഥമിക മത്സരങ്ങളിൽ നിന്ന് തെരഞ്ഞെടുക്കപ്പെട്ട പതിനാല് വനിതകളാണ് മത്സരത്തിൽ പങ്കെടുത്തത്.
വിധികർ കർത്താക്കളോടൊപ്പം പ്രേക്ഷകർക്കും മത്സരം വിലയിരുത്തുവാനും മത്സരാർത്ഥികൾക്ക്  വോട്ട് രേഖപ്പെടുത്തുവാനും അവസരം നൽകിയിരുന്നു.
മത്സരത്തിന്റെ അന്തിമ വിധി നിർണ്ണയത്തിൽ പ്രേക്ഷകരുടെ വോട്ടും പരിഗണിക്കുമെന്ന് സമാജം ഭാരവാഹികൾ അറിയിച്ചു.
അടുത്ത മത്സരമായ മിറർ ആക്ട് ജനുവരി 12 ശനിയാഴ്ച നടക്കും.
Previous Next

The Bahrain Keraleeya Samajam Hon: Acting President Mr. Dileesh Kumar V.S.,  Hon: General Secretary Mr. M.P. Raghu, other Executive Committee members and Community leaders with Her Excellency Smt. Sushma Swaraj, External Affairs Minister of India during the inauguration of the new Embassy of India complex at Seef  District ,Kingdom of Bahrain on Saturday, 14th July, 2018.

Previous Next

ബഹ്റിൻ കേരളീയ സമാജത്തിന്റെ നേതൃത്വത്താൽ നടപ്പാക്കി വരുന്ന അശരണർക്ക് ഉള്ള ഭവന പദ്ധതിയിൽ, നസ്രത്ത് ചാരിറ്റബ്ൾ ട്രസ്ററുമായി സഹകരിച്ച് അങ്കമാലിക്കടുത്ത് തുറവൂരിൽ പണികഴിപ്പിച്ച ഭവനത്തിന്റെ താക്കോൽദാന ചടങ്ങിൽ തുറവൂർ പഞ്ചായത്ത് പ്രസിഡന്‍റ് കെ. വൈ. വർഗീസ് അധ്യക്ഷനായിരുന്നു. സമാജം പ്രസിഡന്റ് ശ്രീ പി.വി.രാധാകൃഷ്ണപിള്ള , സംസ്ഥാന വനിതകമ്മീഷൻ അധ്യക്ഷ എം.സി ജോസഫൈൻ,  അങ്കമാലി നഗരസഭ ചെയർപേഴ്സൺ എംഎ ഗ്രേസി, ജില്ലാ പ ഞ്ചായത്ത് മെംബര്‍ സാംസണ്‍ ചാക്കൊ, തുറവൂർ പഞ്ചായത്ത് മെംബർ എം.എം. ജയ്സൺ, നസ്രത്ത് ട്രസ്റ്റ് മാനേജിങ് ട്രസ്റ്റി  ഫ്രാൻസിസ് കൈതാരത്ത് തുടങ്ങിയവരും , നിരവധി സമാജം അംഗങ്ങളും  പങ്കെടുത്തു.

 

ജീവിതത്തിൽ ചോർച്ചയില്ലാത്ത ഒരു സുരക്ഷിതമായ വീട്ടിൽ ഭാര്യയോടും മകനോടുമൊപ്പം  അന്തിയുറങ്ങണമെന്ന ആഗ്രഹത്തോടെ ജീവിച്ചിരുന്ന ജോസിന്‍റെ വീടിന്‍റെ താക്കോൽ ദാനം ജോസ് ഇല്ലാതെ നടത്തി. കഴിഞ്ഞ ദിവസം അസുഖബാധിതനായി മരണമടഞ്ഞ ജോസിന്റെ വീടിന്റെ താക്കോൽ ദാനം ഇന്നലെയാണ് നടന്നത്.  സ്വന്തമായി ഭവനം എന്നത് തുറവൂർ കല്ലൂക്കാരൻ ജോസിന്‍റെ വലിയ ആഗ്രഹമായിരുന്നു. വാതക്കാട് സ്വന്തമായി ലഭിച്ച വീടിന്‍റെ നിർമ്മാണം പൂർത്തിയായി താമസിക്കാനായി കാത്തിരിക്കുമ്പോഴാണ് ആ വീട്ടിൽ ഭാര്യയ്ക്കും മകനും ഒപ്പം ഒരു ദിവസം പോലും അന്തിയുറങ്ങാനാകാതെ ജോസ് വിധിക്ക് കീഴടങ്ങിയത് . ജോസും കുടുംബവും വർഷങ്ങളായി തുറവൂർ വാട്ടർടാങ്കിന് സമീപത്തെ വാടകവീട്ടിലാണ്  താമസിച്ചിരുന്നത്.

 

വൃക്ക, കരൾരോഗബാധിതനായിരുന്നജോസിന്‍റെ ചികിത്‌സയ്ക്കായി ഒട്ടേറെ ആശുപത്രികളിൽ കയറിയിറങ്ങി. അങ്ങനെ ജോലിയ്ക്ക് പോലും ജോസിന് പോകുവാൻ പറ്റാതെ വന്നതോടെ ഇവരുടെ ജീവിതം വളരെ ദുരതത്തിലായി.  ഈ കുടുംബത്തിന്‍റെ ദുരിതം അറിഞ്ഞ് റോജി എം ജോൺ എം എൽ എ യുടെ ഇടപ്പെടല്‍ മൂലം ബഹ്‌റിൻ കേരളീയ സമാജത്തിന്‍റെ ഭവന പദ്ധതിയിലുള്‍പ്പെടുത്തി  നസ്രത്ത് ചാരിറ്റബിൾ ട്രസ്റ്റാണ് വീടും സ്ഥലവും  നൽകിയത്.  ഇന്നലെ വീടിന്‍റെ താക്കോൽദാനച്ചടങ്ങ് നടക്കാനിരിക്കെയാണ് അസുഖം മൂർച്ഛിച്ച് ജോസ് കഴിഞ്ഞ ചൊവ്വാഴ്ച മരിച്ചത്.

 

നസ്രത്ത് ചാരിറ്റബിൾട്രസ്റ്റ് മാനേജിങ് ട്രസ്റ്റി ഫ്രാൻസിസ് കൈതാരത്ത് ഗ്രേയ്‌സ് നഗറിൽ ജോസിനായി വീട് പണികഴിപ്പിച്ചു.  ഒരാഴ്ച മുൻപ്ജോസും ഭാര്യ മേരിയും മകൻ ക്രിസ്റ്റോയും വാതക്കാടെത്തി പുതിയ വീട് കണ്ടിരുന്നു. ജോസിന്‍റെയും കുടുംബത്തിന്‍റെയും അഭിപ്രായം അറിഞ്ഞതിനുശേഷമാണ് താക്കോൽ ദാനച്ചടങ്ങിന്‍റെ തീയതി നിശ്ചയിച്ചത്. എന്നാൽ അതിന് കാത്തു നിൽക്കാതെ ജോസ് വിടപറഞ്ഞു. ജോസിന്‍റെ വിങ്ങുന്ന ഓർമ്മകളോടെയാണ് ഭാര്യ മേരി  റോജി എം.ജോൺ എംഎൽഎയിൽ നിന്നും താക്കോൽ ഏറ്റു വാങ്ങിയത്.

 

 
ബഹ്‌റൈൻ കേരളീയ സമാജം വനിത വിഭാഗവും 
ചാരിറ്റി-നോർക്ക കമ്മിറ്റിയും സംയുക്തമായി, സമാജം അംഗങ്ങൾക്കും കുടുംബംഗങ്ങൾക്കുമായി 
ഷിഫ അല്‍ജസീറ മെഡിക്കല്‍ സെന്ററുമായി ചേർന്ന് സൗജന്യ നേത്രപരിശോധനാ ക്യാമ്പ് സംഘടിപ്പിക്കുന്നു. 
 
ഡിസംബർ 7 വെള്ളിയാഴ്ച രാവിലെ എട്ടു മുതല്‍ വൈകിട്ട് 3 വരെ  ഷിഫ അല്‍ ജസീറ മെഡിക്കല്‍ സെന്ററില്‍ നടക്കുന്ന ക്യാമ്പിന് നേത്രരോഗ വിദഗ്ധരായ ഡോ. ശ്രേയസ് പാലവ്, ഡോ. അഞ്ജലി മണിലാല്‍, ഡോ. പ്രേമലത എന്നിവര്‍ നേതൃത്വം നല്‍കും. 
 
ക്യാമ്പ് ഡയബറ്റിക് റെറ്റിനോപതി പരിശോധനക്ക് സൗകര്യമൊരുക്കും. സൗജന്യമായി ഷുഗര്‍, ബിപി പരിശോധനയും ഉണ്ടാകും. ഷിഫ ഡയബറ്റോളജിസ്റ്റുമാരും ഇന്റേണല്‍ മെഡിസിന്‍ സ്‌പെഷ്യലിസ്റ്റുമാരുമാ ഡോ. പ്രദീപ് കുമാര്‍, ഡോ. ബിജു മോസസ് എന്നിവരുടെ നേതൃത്വത്തില്‍ ഡയബറ്റിക് ക്ലിനിക്കും പ്രവര്‍ത്തിക്കും. 
 
പങ്കെടുക്കാന്‍ ആഗ്രഹിക്കുന്നവര്‍ റോൾ നമ്പർ, പേര് (കുടുംബാംഗങ്ങൾ ഉണ്ടെങ്കിൽ അവരുടെയും പേരുകൾ), മൊബൈല്‍ നമ്പർ എന്നിവ താഴെപ്പറയുന്ന ഏതെങ്കിലും ഒരു മൊബൈല്‍ നമ്പറില്‍ ഡിസംബർ 5നു മുമ്പ് വാട്‌സപ്പ് മെസ്സേജ് അയച്ചു രജിസ്റ്റര്‍ ചെയ്യാം. 
 
മോഹിനി തോമസ് - 39804013‬ (Ladies Wing President)
രജിത അനിൽ - ‭38044694‬ (Ladies Wing Secretary)
കെ. ടി. സലിം  - 33750999 (Charity - Norka Gen. Convener)
രാജേഷ് ചേരാവള്ളി -‭35320667‬ (Norka Helpdesk Convener) 
മോഹൻ രാജ് - ‭39234535‬ (Vice President).

Find as on facebook

Latest Events

No events

Address

Address :

P.B # 757, Bldg #  32 Block - 328, Road 2801,Sugayya Manama, Kingdom of Bahrain

Phone :

(+973) 172 518 78

Fax:

(+973) 172 518 78

Email:

This email address is being protected from spambots. You need JavaScript enabled to view it.

 

Flickr Gallery